Page 6 - MIN VOS

AWEMainta Diamars, 4 Juli 2017 17

Regiezitting caso penal contra

drs. Emsley Tromp ta dia 25 jüli awor

WILLEMSTAD - Ministerio Público (OM) di Corsou a dagvaar drs. Emsley
Tromp relacioná cu fraude di belasting.
E promé caso den Corte ta 25 di jüli próximo na momento cu durante un
Regiezitting defensa por expresá nan deseo pa mas investigacion.
Huez seguidamente ta tuma un decishon riba esaki.

E fecha di tratamento cu contenido ta bay dependé si tin mas deseo pa mas
investigacion.

E investigacion Saffier, manera e ta ser yama, a iniciá na 2016 serca e Team
Anti-Corpucion (TBO, como parti di RST), relacioná cu publicacionnan den
prensa tocante posibel malversacion financiero cometé dor di e sospechoso.

Den cuadro di e investigacion a tene algun entrada hudicial, e.o. na Banco
Central y na cas di e sospechoso. A scucha testigo y a ricibí documentacion
for di exterior.
E investigacion a conducí e.o. n’e sospecho cu drs. Emsley Tromp deliberada-
mente no a haci mension na Servicio di Belasting di entradanan di su ‘pen-
sioenopbouw’ cu el a ricibí durante e periodo di 2006 te cu 2014.

Dor di esaki pais Còrsou a pèrdè di gana alrededor di 5.5 mion florin. E parti
aki di e investigacion a términá y a conducí n’e dagvaarding pa 25 di jüli.
E investigashon penal n’e sobrá hechonan ta continuá, Mas despues ta tuma
un decision pa persiguicion penal.

Kiwanis Club of Palm Beach ta contribui

cu e tres seleccion hubenil di basketball

RECIENTEMENTE, e seleccionnan
nacional di basketball di U13, U 15 y
U18 a biaha y competi na un torneo
internacional na Puerto Rico.
E torneo aki ta wordo organiza dor di
FIBA cu e t’e Federacion Internacional di
Basketball. Kiwanis Club of Palm Beach
a probecha e momento aki dor contribui
cu e travel shirts pa tur seleccion p’asina
nan por representa Aruba dignamente.
Kiwanis Club of Palm Beach a desea
tur tres seleccion hopi exito y Aruba ta
orguyoso di bosonan caba.

Mas cu claro cu e contribucion aki no
lo ta posibel sin e suport di pueblo di
Aruba cu ta sostene e eventonan di Ki-
wanis Palm Beach, manera e Masquerade
Party, e Carnaval Tent riba L.G. Smith
Boulevard, e Auction Night y e Nostalgia
Party.