Page 37 - KPA
P. 37
Elmar: STA no a presenta na reunion cu
nan mes a pidi
Posted on 09/25/2017 7:02 pm AST | Updated on 09/25/2017 7:02 pm AST
ORANJESTAD – Elmar a emiti un comunicado awe, indicando cu e sindicato STA no a
presenta na reunion cu nan mes a pidi, mientras cu nan ta menasa pa pone e compania
plat. E comunicado ta sigui mustra cu algun siman pasa e sindicato STA a gana un
referendum pa e tambe representa trahadonan di nos compania nacional distribuido di
coriente, esta N.V. Elmar. Esaki awor ta bira e di 3 sindicato den e compania, banda di
UEA y ALVAST. Nan a pidi un reunion cu gerencia pa introduci nan mes, pero no a
presenta. Parce cu awor nan ta disgusta y ta purba forsa un welga sin cu tin ningun sorto
di problema laboral.
Gerencia di NV Elmar ta lamenta e forma aki di procede di e sindicato, cu a solicita pa un
reunion, a haya un reunion pa diabierna 15 di september pa 3:00pm, pero no tabata por na
e ora ey y asina a opta pa keda sin presenta na e luga indica.
