Page 25 - KPA 9 MAART 2016
P. 25
Lote grandi di droga intercepta pa Kustwacht den
Caribe Hulandes riba base di e Acuerdo di San Jose
on: March 08, 2016In: LocalNo Comments
Print Email
Den oranan tempran di diasabra mainta, dia 5 di Maart, Kustwachtcutter Jaguar, riba lama grandi y
pafo di awanan teritorial di Aruba, a aborda e barco di carga Oceanic I. Aki 7 persona a wordo
deteni y mas of menos 1200 kilo di narcotico, posiblemente Cocaina, a wordo confisca.
Kustwacht pa Caribe Hulandes, a bay riba pista di Oceanic I, a base di informacionnan duna pa e
partnernan Mericano riba tereno di combatimento di droga y coleganan di Defensa den e area di
Caribe. A base di informacionnan duna, director di Kustwacht a dicidi di cuminsa cu un investigacion
riba Oceanic I.
E barco bao di bandera Hondureño, Oceanic I, a bandona awanan di Aruba y a ancra riba e frontera
di awanan teritorial entre Aruba y Venezuela. Riba dado momento monitoreadonan di radar di
Kustwacht, trahando cu e joint Rescue and Coordination Centrum (JRCC), a intercepta un contacto
sospechoso cu un otro barco. A base di nan conocemento y experiencia a bin cu e suposicion cu lo
tabata tin un posibel intercambio di droga riba Oceanic I.
A base cu e trahadonan di JRCC a ripara y a informacion a wordo duna pa e partnernan di
Kustwacht den un reunion cu e director di esaki y e coleganan di Defensa den e region di Caribe, a
diidi cu Kustwacht lo purba di aborda e barco.
E tabata mustra mas facil cu e ta. E expectativa den e caso aki ta pa cu na momento cu Oceanic I a
ripara cu Kustwacht tabata biniendo den nan direccion, nan lo purba di huy via awanan Venezolano.
