Page 30 - KPA 9 MAART 2016



Di dos intercepcion di droga den un
siman

Posted on 03/8/2016 5:06 pm AST | Updated on 03/8/2016 6:37 pm AST

ORANJESTAD - Dianan despues cu e barco staciona den Este, Zr. Ms. De Zeven Provinciën, a sa di
intercepta mas di 400 kilo di marihuana, e barco marino a bolbe logra di pone man riba 600 kilo di
cocaine. Durante e di dos intercepcion di droga panord di e costa di Venezuela, tawata envolucra dos
boto di piscado Venezolano.

E avion di patruya di Wardacosta di Caribe Hulandes ta esun cu a nota e botonan di piscador como
promer. Algo promer cu salida di solo, e barco di marina a sorprende e botonan dor di su presencia y
entre otro ora cu e helicopter Belgo uza pa aborda a ser manda den aire. Ora cu e piscadornan
sospechoso a ripara cu nan a ser mira, na a cuminsa tira e pakinan den lama. Esakinan a ser casi tur
recogi pa e miembronan di tripulante di e barco De Zeven Provincien.

E "Law Enforcement Detachment" Americano, cu ta nabega durante tipo di e accionnan aki conhunto cu
Zr. Ms. De Zeven Provinciën, a percura pa listra e botonan en busca di productonan cu ta ser treci ilegal.
Total a logra di pone beslag riba 600 kilo di cocaine. E botonan sospechoso y esnan abordo a ser
entrega na Wardacosta Venezolano.

http://www.noticiacla.com/news/5277