Page 24 - 23a23

PAGINA 24 DIARIO DIARANZON 23 AUGUSTUS 2023
Diamars mainta durante mal tempo
Humedad tabata asina halto

na Noord y e tabata parce
neblina

ORANJESTAD (AAN): E biento fuerte for di Noordwest, a
trece no djis hopi awacero cu lamper y strena, pero tambe
a supla y pusha hopi humedad den areanan di Palm Beach,
Malmok, Westpunt, Bakval, y Kamay.
Habitantenan a splica na DIARIO, ta cu loke nan por a
mira cu nan mesun wowo e mainta ey, ta comosifuera full
nan bario ta bao di un capa di neblina. Y esey por ta corecto,
como cu neblina ta socede ora cu humedad ta na un nivel di
100 porciento.
E neblina aki combina cu awacero, tabata trece situacion
peligroso ora di core cu auto. Cu e biento cu tabata pusha
awa casi horizontal mes for di direccion noordwest, ta pone
cu autonan mester a pone wiper na speed ‘High’ pa asina por
sikiera mira unda nan ta core.
Danki na lectornan di Westpunt cu a suministra DIARIO cu
e potret di e bista masha limita mes di nan area riba Diamars
mainta.
Palo grandi di kwihi a

cay entre Barceló Aruba

y Hyatt Regency

ORANJESTAD (AAN): E awacero torencial, acompaña cu
biento fuerte for di noordwest a azota Aruba riba Diamars
mainta. Esaki tabata forma parti di banchinan cu ta draai rond
di e Tormenta Tropical Franklin.
Publico a comenta, cu specificamente distrito di Noord y
Palm Beach a haya hopi efecto mes di biento cu a azota e
area.
Y prueba di esaki ta e hecho cu e palo grandi di kwihi cu
semper a ofrece sombra y cu su bista mahestuoso na Palm
Beach, net pabao di Irausquin Boulevard net na e berea cu
ta bay pabao mey-mey di Barceló Aruba Resort y Hyatt Re-
gency Aruba, a kentel y cay. E tera abao tabata hopi muha y a
perde su forza pa wanta e troncon diki y pisa aki.
Bon mes cu e momento ey no tabatin ningun auto of persona
pasando. DIARIO ta corda cu e troncon aki semper a mustra
di ta uno fuerte, y no tabatin ni horket tampoco pa yude wanta
straight.