Page 25 - AWEMAINTA

Dialuna, 18 Juni 2018 AWEMainta 25

Deporte

Aruba Dolphins Swimming ta logra

triunfa den Arubaanse Kampioenschappen 2018

DEN e weekend tras di lomba, Federacion di Landamento,
AZB a tene su campeonato annual, esta e Arubaanse Kampi-

oenschappen. E tres ekiponan cu a competi Aruba Dolphins,

Stingray Swimming Team y Orcas, tur tres a lucha p’e titulo
maximo. Mester bisa cu un aña mas e team mas grandi, esta

Aruba Dolphins ta titula campeon di Aruba, na di dos lugar
a keda Stingray Swimming Team, mientras na di tres lugar a

keda Swimming Team The Orcas.

Durante tur e 4 dianan di competencia e landadonan a haci
nan maximo esfuerzo pa demostra e mihor di nan mes y de-

fende e bon nomber di nan club.

Pa loke t’e resultadonan final den e diferente categorianan

nos tin siguiente ganadornan.

Den e edad di 6 & under mucha muher, D-Leylah Gerrel y
mucha homber, Rygel Bisslik.

Den e categoria 7-8 mucha muher Dianthe Kock, mucha
homber Ocean van Loon. Den e categoria 9-10 mucha muher

nos tin Live Faro, mucha homber Inald Fernandes Perna y

den e categoria 11-12 mucha muher Giancarla Larez y mu-
cha homber Jaydon Croes.

Den e categoria 13-14 mucha muher Amy Pichardo y mucha
homber Jeandre Kock.

Den e categoria 15-17 mucha muher nos tin Elisabeth Tim-

mer y mucha homber Nathan Croes. Por ultimo nos tin e
categoria 18 and over cu a bay pa Gaby Ponson y George den

Dunne.

E landadornan Elisabeth Timmer, Anahi Schreuders y Na-
than Croes a score punto mas halto di Federacion Internacio-

nal di Natacion (FINA). E atleta cu a destaca e campeonato

aki cu Hytek mas halto a bay pa Ocean van Loon di Orcas.
Awor e landadonan por cuminsa prepara nan mes p’e campe-

onato internacional di landamento Central American and
Caribbean Swimming Federation (CCCAN) cu lo tuma lugar

na Aruba mes cuminsando aki dos siman.

Nos landadonan lo competi contra e mihornan den e region
di Centro America y Caribe den e disciplinanan di landa-

mento, landamento artistico y Open water.

Stichting Sportsubsidie Aruba tambe a yuda subsidia

Arubaanse Kampieonschappen den e deporte di landamento
organisa pa Arubaanse Zwembond.