Page 26 - AWEMAINTA

26 AWEMainta Dialuna, 18 Juni 2018

Deporte

E di 32 edicion di Aruba International Triathlon ta diadomingo 24 di juni

DIADOMINGO 24 di juni proximo, Aruba Triathlon As-

sociation lo organisa e grandioso 32 edicion di Aruba Inter-

national Triathlon cu lo conta un bes mas cu participacion
internacional di atletanan cu lo bin for di paisnan manera
Venezuela, Colombia, y Curaçao.

Mas cu claro no por lubida nos propio atletanan di Aruba cu

a prepara nan mes den e mihor forma posibel pa duna un bon
prestacion e mainta aki.

Tur cos ta mustra cu e participacion di atleta e aña aki lo sur-

pasa e cantidad di aña pasa esaki sin duda ta danki n’e tre-
mendo trabou cu Federacion di Aruba Triathlon ta bin ta haci
den e ultimo añanan caminda e deporte a crece enormemente.

Mas y mas nos por a nota un crecemento den e deporte di

triathlon caminda chikito y grandi a mustra nan interes den
sigur un di e deportenan di resistencia mas pisa na mundo.
Es mas, na Aruba mes diferente atleta cu ta eherce un otro

deporte ta competi den e circuito di triathlon, sea nan ta core,

core bicicleta of core na pia.

Mester bisa cu den e di 32 edicion di Aruba International

Triathlon por competi riba e distancia Olimpico cu ta 1500 m

landa – 40 km core bicicleta – 10 km core na pia, mientras e
distancia di Sprint lo mester landa 750 m – core bicicleta 20
km – 5 km core na pia.

Lo por competi den e categoria Olympic/Sprint Masculino:

16-19, 20-29, 30-39, 40-49, 50-59 y 60+ Olympic/Sprint Fe-
menino: 16-19, 20-29, 30-39, 40+.
E Relay lo ta solamente riba e Olympic Distance. E evento ta

programa pa cuminsa pa 6:30 di mainta na Eagle Beach.

Diasabra 23 di juni tin package pick up na Tulip Restaurant,
enfrente di Eagle Beach di 4or pa 6or di atardi.

Aña pasa, e atleta elite y alabes 3 bes Atleta di Aña Local,

Renze Postma a gana e competencia cu un record nobo.
E atleta Postma a registra un tempo di 1.57.34 cual tabata
cinco minut di e marca anteriormente estableci p’e propio

Postma na aña 2016. Mas cu claro, Postma lo tey un bes mas

pa defende su titulo y purba na mehora e record poni na 2017.

Stichting Sportsubsidie Aruba tambe a yuda subsidia e di 32

edicion di Aruba International Triathlon organisa p’e Federa-

cion Aruba Triathlon Association.