Page 4 - AAA_Neat

Avion di Insel Air a confronta problema cu
landing gear

Diamars merdia toren di control a keda informa door di e kapitan di e avion Insel Air MD 80 cu
vuelo di Merca cu 114 pasahero abordo lo a confronta problema cu e sistema di wiel di e avion.
Durante oranan di mainta tabatin trabou andando riba e mes un avion pa loke ta e wiel. Alarma a
keda activa di biaha na Airport caminda e crash trucknan di brandweer a staciona na e posicion
di semper ora di caso di emergencia y Polisnan a sera e caminda rond di Airport.
E kapitan di e avion a intenta na varios ocacion pa wak si e trein di aterisahe ta logra baha y na
final esaki tabata positivo y e avion a aterisa riba pista di Aeropuerto Internacional Reina Beatrix
alrededor di 1:48 sin ningun problema. Personalnan di brandweer y tambe di Airport a yega
cerca na e avion pa wak na e kapitan kico tabata e fayo y na final e alarma a keda desactiva.

http://masnoticia.com/avion-di-insel-air-a-confronta-problema-cu-landing-gear/