Page 20 - RDA

Tabata tin cierto kehonan cu ta tumando luga, relaciona cu localnan cu aparentemente
no a ta haya trabao of nan ta wordo kita, pero esun no local si ta keda. Esey a trece
manera un disgusto, cual motibo a pone cu Guarda nos Costa a bay, despues di a haya
diferente keho y a bin topa cu hende indocumenta. No ta nifica cu nan ta ilegal. Por a

mira presencia di abogado y diferente hende cu ta bin atende cu e situacion.

Un di e companianan ta Azura, cu tin trahado di nan cu a keda gara. Hopi di nan, cu
probablemente ta indocumenta, no tin permiso pa traha, ya caba tin nan ticket di avion

pa wordo manda.

E trabaonan di mancamp ta andando. E mancamp ta den proceso di construccion.
Contrario na loke cu hopi ta bisa cu trabao a para.

Tin mas departamento cu tabata tey presente na Guarda nos Costa, entre otro personal
di Departamento di Labor. Mas departamento ta envolvi, hunto cu Guarda nos Costa pa
asina mira e iregularidadnan, e incumplimento di ley cu por tin den henter e asunto aki.

E departamentonan aki ta trahando hopi hunto y ora cu tene accion grandi, nan sa bay
hunto tambe, pa controla na pia di trabao. E biaha aki a bay na mancamp di Citgo na
Sero Colorado y a bay cu e personanan aki.

Si resulta cu tur e hendenan aki ta indocumenta y mester keda, probablemente lo no
tin luga pa cera nan. Y tin hende ilegal cera na Guarda nos Costa, cu tin cu wordo
deporta den e siguiente ora of dianan nos dilanti.

Hopi di esnan cu ta representa e trahadonan, tabata tey cu documento den nan. Varios
di nan ta documenta, pero nan no tabata tin e prueba cu nan ta legal riba nos isla.