Page 22 - RDA

y kico por spera. Pero despues di e reunion, segun e Presidente Hubert Dirksz, el a sali

mas preocupa.

Prome cu esey e sindicato FTA tabatin un encuentro cu Mediador di Gobierno unda

tambe tabata presente representantenan di e sindicato IOWUA, y di e companianan

Oduber Contractor y Doushar, unda a dicidi cu ta miho laga Gobierno atende cu e asunto

di refineria y via di nan haya tur e informacionnan.

Segun Dirksz, e impresion cu nan a keda cun’e awor ta cu e situacion ta mas complica di

loke nan a pensa. “Nos ta mas preocupa di loke nos tabata.”

Tin un palabracion cu e refineria mester ta cla pa na 2020 produci 900 mil bari pa dia y ta

mira cu esaki no ta bay wordo realisa. Si durante un cierto tempo cay den un atraso mes,

y si surpasa esaki, lo no por cumpli mas cu e fecha ariba menciona. Y esey ta nifica cu lo

ta violando puntonan acorda den e contracto entre CITGO y pais Aruba. “Nos tin miedo
cu esey pasa y nos tin miedo di e consecuencianan si e scenario cambia. Nan ta

simplemente saca e plug bay, mientras cu e contratistanan ya caba awor no ta ricibiendo

nan placanan.

E situacion huridico ta complica, segun Dirksz. Ariba tin e compania CITGO y bou di dje
tin diferente consorcio. “No t’asina cu e compania local ta atende directamente cu

CITGO. Tin companianan manera VEC, Azzura, etc., cu a wordo menciona. E peligro ta

cu si algo pasa y e refineria bay, na unda nan ta bay claim. El a bisa cu tur e companianan

ey ta dependiendo di e trabounan den e refineria y sperando riba mas trabou.

FTA ta haya cu e incertidumbre aki no ta bon y ta momento pa Gobierno yama CITGO

na mesa, pa laga nan papia palabra cla y cumpli cu loke ta para den e contracto. Hecho ta,