Page 26 - RDA

reparticion di bienes di Antiyas Hulandes: Aruba 25%, Hulanda 20% y Antiyas cu 55%. Riba
esaki partido MEP mester a implementa 8.2% di Impuesto di Solidaridad riba tur trahador y
tambe 7 3/4% riba empleadonan publico, ora cu refineria LAGO a dal cera su portanan na aña
1985 den e fase cu Aruba lo haya su libertad y derecho di Autodeterminacion. Asina mes Betico
y MEP a logra di sali na 1985 e partido di mas grandi di Aruba cu 8 asiento y Betico semper a

keda e votegetter di mas grandi di 1971 te 1985.

Retonan sumamente grandi
Awe nos tin Gabinete Evelyn Wever Croes (MEP/POR/RED), un gobierno cu signatura social

democrata unda cu e ser humano mester keda central sin distincion di origen, rasa, credo of
clase social. Ta hustamente esaki e gabinete actual a haci desde 17 november 2017 y despues
di 100 dia a buta e base pa salba e pueblo di Aruba un bes mas. Tur esaki despues cu partido
AVP a goberna desde 2009-2017. E gobierno actual ta traha bao circunstancianan sumamente
dificil pa salba Aruba. Nos ta consciente cu tin hopi mas cos pa haci, pa salba e dignidad di nos
pueblo. Nos pais tin retonan sumamente grandi riba tereno di financia publico, comercio,

academico, deportivo y tambe riba tereno social cultural. Gobierno a cuminsa saca Aruba for di
su abismo cu Mike Eman y su partido AVP a hinca nos pueblo aden. Tur rapport ta mustra cu e
daño ta riba 27 aña pa trece bek ordo y prosperidad colectivo.

Pobresa structural
A traha riba awa y coriente pa tur hogar na Aruba, ta bezig pa reduci belasting pa nos
pensionadonan, ta bezig ta fortifica comercio y tambe ta bezig ta inverti den tur nos
problemanan social cu ta alarmante. Tur esaki cu varios crisis riba nivel di gobernacion e.o.
crisis di traspaso di gobierno, fronteranan cu Venezuela y tambe crisis social cu ta asotando
nos pueblo. Asina mes nos Prome Minister Sra. mr. Evelyn Wever Croes ta optimista y ta traha

cu alma y curpa pa rescata locual por ainda. Aña 2018 a habri cu e noticia lamentabel cu
CITGO ta basicamente para operacion despues di a lobby totalmente cu e gobierno anterior di
AVP. Mas di 100 Miyon a wordo gasta pero e cuponan di trabao a keda limita combina cu
"cheap labor" na gran escala. No tin respet pa nos leynan y nos clase trahador ta wordo abusa

diariamente. E gobierno actual kier restructura e rikesa di nos pais, tur rapport ta mustra cu nos
hendenan ta biba den un pobresa structural cu menos optimismo pa cu futuro. Nos por wak
esey den e calidad di bida den varios parti di Aruba, asina mes tin cierto stakeholders no kier
realisa esaki. No por ta cu nos ta sigui un rumbo menos progresivo den 33 aña di Status
Aparte.

Mi compromiso