Page 44 - KPA_Neat

AWEMainta Dialuna, 7 Augustus 2017 3

Alarma na Aruba Bank Camacuri

A mobilisa Polis di tur skina

TABATA diadomingo madruga den careda di 2’or patrol di
un compania di seguridad y Polis a bay urgente pa Aruba Bank
na Camacuri.
Alarma a bay, indicando cu tin hende indesea den e banco. E
momento ey e banco a wordo controla y tur cos tabata mustra
bon, dus nada abnormal.
Algun minuut despues cu e patruya ta move, e compania encarga
cu e seguridad di e banco ta bolbe haya indicaccion cu tin hende
paden.

E momento eynan mas patruya y tambe Team di Aresto a yega
n’e banco y nan a rondona esaki.
Segun e compania di seguridad, y via camaranan di seguridad nan
no por wak niun hende paden, pero cu e motion detectornan si
ta capta cu tin un hende eyden.
Polis despues di basta rato controlando e edificio rigurosamente,
nan no ta haya niun rasca cu un persona lo por a sikiera trata na
forsa algo pa drenta e banco. Kico tabata trigger e motion detec-
tor paden, ta keda un misterio.
Esaki no ta prome biaha cu alarma di Aruba Bank ta bay on y ta
bon pa nan laga controla esaki awe. (foto di Aruba Native.com)