Page 29 - MIN JUS

36 AWEMainta Diahuebs, 15 Juni 2017

Parlamentario Clarisca

Velasquez ta felicita

directiva nobo di SPA

DESPUES cu Sindicato di Polis, SPA no tabatin un sindicato drechi
cu a sinta pa su meta real di sali na vanguardia di su miembronan awe
tin un directiva nobo.

Ta felicita directiva completo cu trabao duro y hopi biaha “no agra-
decido” cu nan a scoge p’e y cu nan por traha pa bienestar di nos
miembronan di SPA, segun Parlamentario Velasquez.

Cu nan a cuminsa riba bon pia sintando cu Minister di Husticia cu
ta representa nan doño di trabao cu ta Gobierno. Cu Dios por guia
nan y ilumina nan den nan trabao duru cu ta spera nan. Cu dialogo
na mesa semper ta logra hopi y no laga politica influencia nan trabao
manera e presidente anterior a haci, e Parlamentario ta splica.

Ta desea directiva nobo di SPA hopi exito den nan trabao y cu nan
por logra tur deseo y peticion di nan miembrecia, Parlamentario
Velasquez a conclui.

Diasabra awor na Aruba Bank den Caya Grandi

“Pop-Up Barbershop” un regalo special pa tatanan

ESAKI ta bo oportunidad diasabra awo dia 17
di juni, unda Aruba Bank hunto cu The Man
Cave Barbershop lo ta den Caya Grandi pa at-
ende e tatanan.

Tur tata ta cordialmente invita pa bishita Caya
Grandi diasabra awor y join e celebracion di
Dia di Tata rib’e Aruba Bank Plaza den Caya
Grandi!
Bishita e “Pop - Up Barbershop” desde 12’or di
merdia te cu 5’or di tardi. E prome 65 tata lo
ricibi un “haircut” gratis.

Mientras papi ta haya su “new look” mami por
probecha y busca su regalo.
Lo bay tin entretenimento di DJ y nos lo rifa un
gift certificate di Man Cave entre tur tata. Diasa-
bra 17 di juni mami y yiunan yega Caya Grandi
cu boso papi y pasa na e “Pop-Up Barbershop”
di Aruba Bank pa papi haci un “haircut”.