Page 32 - MIN JUS

AWEMainta Diahuebs, 15 Juni 2017 5

Minister Arthur Dowers trahando

for di prome dia riba solucion

Crimen lo

sigui baha ora

nos tur traha

hunto pa

combati esaki

UN di e temanan principal di debate tras di lomba
tabata Husticia. Caminda e topico criminalidad riba
nos isla ta bin dilanti. Minister Arthur Dowers ta
responsabel pa loke ta husticia,etc.
Den e ultimo 7 añanan aki ta hopi esfuerso, estudio y
modernisacion a ser implementa p’asina por ekipa e.
o. Cuerpo Policial di nos pais, segun Minister Dowers.

Hopi hende ta papia di crimen, pero ningun di nan
ta papia di posibel solucion. Solucionnan ta locual
cu a ser ripiti durante henter e Gobernacion, pero
esnan cu no ta presenta na pia di trabou no por tin
e informacion aki pa pueblo. Hopi cambio y restruc-
turacion, ampliacion y implementacion, personeel y
ekipo, edificio y material pero mas cu tur cos comu-
nicacion entre tur e partnernan p’asina sigura cu e
esfuersonan aki ta ser haci uniforma.
Gradualmente y den forma integral tur caminda cu
por a pensa di por a trece solucion pa
combatimento di crimen a ser implementa y hunto
nos ta combatiento crimen riba nos isla y cu man
duro, e mandatario di Husticia ta splica.

Tur cos cu a tende di parti di sra. Evelyn Wever-
Croes, tabata cu nan ta bin cu helicopter y un radar.
Tin cu bolbe menciona , cu Aruba tin Radar y cu
esaki den bon cooperacion ta ser maneha dor di
Guardacosta y cual ta algo ta keda purba engaña y
mal informa e pueblo cu ne.
Pa locual ta helicpoter, esey tur sa cu no ta contribui
na reduccion di criminalidad.
Pa locual ta e tema ilegalidad, cifranan ta mustra cu
diferente na gobernacion anterior, nan a baha dras-
ticamente. Nos tabata papia di 30 ilegal pa luna y
awor di un cifra di 20 ilegal pa aña. Contradiciendo
nan mes riba combatimento y solucion rib’e tema
aki, Minister Dowers ta remarca.

Ora nos pone mas esfuerso rib’e hende, pone esaki
central y re-educa bo comunidad riba norma y balor-
nan, e ora ey bo por papia di solucion. A mira hopi
pais cu a pone helicopter, pone mas Polis, pone radar,
pero no a pone e base di e curason di e ser humano,
p’e ta un miho hende, Minister Dowers ta conclui.