Page 5 - AHATA

Diasabra, 8 Februari 2025 AWEMainta POLITICA 15

Parlamentario Jennifer Arends-Reyes:

Aruba mester percura pa enfoca mas ariba maneho di destinacion

Y considera su impacto riba calidad di bida di nos localnan

Nos mester capitalisa ariba e synergia di responsabilidad comparti pa yuda
nos conserva nos isla. Tambe e doño y ehecutivonan di hotelnan tambe

mester ta na altura cu nos isla ta rekeri un maneho hopi mas concentra
ariba e capital humano, e trahadonan. Inverti mas den e trahadonan, nan
salud, nan famia, yiunan y nan estudio.
E responsabilidad corporativo social tin cu bin hopi mas dilanti. E calidad

di bida y trato na nos localnan tin cu bay man den man cu e experiencia di
nos huespednan.

Pa 2025 AHATA ta premira cu por mantene 81% di grado di ocupacion di

cambernan y si nos por mantene nos REVPAR actual $ 297,51 of cerca lo
por compensa pa costonan di operacion. Tin diferente reto di capacidad
y risico geopolitico den region pero asina mes nos mester pusha pa logra
añanan cu exito cu tin cambionan positivo cu nos localnan tambe por sinti.

SEGUN sra Arends-Reyes kende semper
tawata tin un afinidad cu nos pilar economico

di Turismo tin su punto di bista tocante e desa-
royonan riba nos isla di Aruba. Aruba ta na un
crusada importante den su pilar economico,
caminda cu nos tin inversionnan cuantioso a

ser haci cu meta turistico. Awor mester purba
yega na un balans urgente cu ta mantene
nos pilar economico caminda por mantene
trabou, mehora infrastructura, mantencion di

nos destinacion y inversionnan den renoba-
cion, impulsa proyectonan nobo manera Port
City y desaroyo di San Nicolas.

Na mesun momento hunto cu entre otro e
stakeholdernan manera ATA, AHATA y AAA
pa plania con nos destinacion di Aruba por
mercadea Aruba como un destinacion cu ta

priorisa conscientisacion pa cuida nos natura-
lesa, stima nos cultura, brasa nos localnan cu
tin storianan bunita pa comparti, cu tin talen-
tonan pa comparti y asina stimula tambe e

economia creativo. Hunto cu nos huespednan
tin un compromiso pa cuida nos isla, contribui
na nos economia mientras nan ta disfruta di
nos isla y yuda nos isla progresa mientras cu

nan ta riba nos isla y laga nan sinti bon bini cu
e calor humano cu nos ta conoci pe.