Page 30 - KPA 9 DEC 2015

Buskeda intenso a pone Polis detene hende robez

Publication: Wednesday, 9 December 2015. Categoria: Policial

Dj Whiteboy deteni por nada paso nan a kere e ta Yellowman
ORANJESTAD (AAN): Tabata diamars mey anochi cu den Trinitariastraat cu Clavelstraat na
San Nicolas team di aresto cu a caba di haci un entrada hudicial buscando e sospechoso
Yellowman a persigui un Daewoo blanco den e caya menciona. Den e Daewoo blanco tabatin un
hende homber cu tabata parce Milanchelo Trenidad conoci como Yellow busca pa husticia
relaciona cu e tiramento y asesinato dilanti Olde Molen.
E chauffeur di e daewoo a keda para pa auto di polis y tabaa polisnan di team di aresto a sake for
di su auto arma. E chauffeur tur spanta a sali for di su vehiculo di mira hombernan cara tapa
arma y nan a tapa su wowo cu un paña special cu team di aresto tin. E chauffeur den e daewoo
tabata a declara su mes can e oficialnan cu e no ta e sospechoso busca y cu e ta Rayen G. conoci
como Dj Whiteboy y e nunca no tabatin problema cu husticia. Den deliberacion e oficialnan a
tuma nota cu e persona cu nan a para y boei e momento ey, no ta e sospechoso y asina a kita e
boei y e paña na su wowo y lage den libertad.
Rayen conoci como Dj Whiteboy a comenta cu un rato prome di su detencion e tabata bezig cu
trabao di parti flyernan rond den San Nicolas pa cu un evento cu e lo tin. E mes nunca ta meti cu
gang y ni a yega di wordo encarcela.
Esaki tabata un susto di su bida con nan a detene riba caminda y despues a lage den libertad
pasobra autoridad a bruha su persona contra Yellow.
Y cu esaki Dj Whiteboy kier a bisa tur hende cu e ta ok, y e hamas ta meti den un asunto asina y
cu el a bira noticia caminda fotografo di un media a saca su potret y ni por a retifica e noticia.
http://www.diario.aw/2015/12/buskeda-intenso-a-pone-polis-detene-hende-robez/