Page 31 - KPA 9 DEC 2015

Kiebro cometi na un cas den Papaya

Publication: Wednesday, 9 December 2015. Categoria: Policial

ORANJESTAD (AAN): Relaciona cu kiebro den un cas na Papaya cual a wordo reporta
diadomingo casi 6’ or di mainta na central di polis, patruya di Noord a wordo instrui pa bay
atende e caso.

Na yegada e homber inicialnan P.G. a declara, di a bandona cas diasabra anochi pa 10 or y a laga
esaki cera y intacto atras.

Diadomingo pa alrededor di tres’ or di marduga, ora el a yega cas, el a constata cu desconocinan
via bentana di cushina a drenta e cas.

Probablemente e lo no a cera e bentana debidamente y e bandido (nan) lo a probecha di drenta
horta y bay cu 1200 florin mas 300 Euro. Tanto lachinan di cashi den camber a wordo habri, a
listra tur cos y nan a bolter delaster un cos.

Polis a nota cu waya cual a wordo poni na bentana di cushina pa evita musca y sangura di drenta
a wordo kita y benta na suela.

Tumando na cuenta e situacion laga atras pa e intrusonan , polis a solicita presencia di recherche
tecnico pa investiga si a laga posibel evidencia atras.

http://www.diario.aw/2015/12/kiebro-cometi-na-un-cas-den-papaya/