Page 49 - MIN,TTC APRIL 8,2015

Aruba ta despedi di un gran exponente di nos cultura y
comediante di tur tempo…Vale Croes

Publication: Wednesday, 8 April 2015. Categoria: General
Minister di Cultura Otmar Oduber

ORANJESTAD (AAN): Dialuna 6 di april Aruba henter a worde conmovi cu e fayecimento di
un gran persona y comediante di tur tempo, Rudolfo Valentino Croes, conoci como Vale Croes.
Minister di Cultura, Otmar Oduber, kier a comparti awe un poco di e historia y trayectoria di
Vale Croes kende lo sigui biba den nos memoria y curazonnan pa semper.
Vale Croes su ofishi tabata carpinte, el a traha na varios caminda durante decada di 1970.
Despues na 1980 el a lanta un compania riba su mes, e tabata un compania di contrtista, cual a
bay hopi bon. Tambe den añanan 80 el a traha durante 8 luna como guia turistico. Debi cu Vale a
haya problema cu lomba el a cuminsa traha cu Gobierno como bewaker di Bestuurskantoor,
despues el a bay traha na Oficina di Turismo como guia turistico den Caya Grandi.
Despues el a bay traha na ATA den oficina mes y na 1994 el a pidi traslado pa Instituto di
Cultura unda e tabata duna orientacion y conseho na personanan cu tabata yega cu proyectonan
cultural.
Vale Croes tempo e tabata chikito e tabata worde considera como un mucha pret pa juffrouw y
meneernan na school, pero su bida artistico a cuminsa cu su 15 aña di edad. Na e momento ey el
a drenta Mariachi Perla di Aruba y a canta cu nan durante 4 aña. Oral el a haci 22 aña el a drenta
Banda Sensacion del Caribe y a keda cu nan durante 5 aña.
Ora e tabata cu e banda Sensacion del Caribe, na aña 1973, Vale a cuminsa cu contamento di
chasco y e demas integrantenan di e banda tabata forse pa e conta chasco pa publico. Asina el a
cuminsa durante un eleccion di reina den Conney Francis Club. Su siguiente aña Vale a bira
Pancho di Aruba y Robby Jansen a bira Prins. Na 1979 Vale a worde elegi como “Prins der
Prinsen”.