Page 11 - bon-dia-aruba-20200505

A11
opinion Diamars 5 mei 2020
Ruthy Vrieswijk-Bergen :

‘Bon dia yen di alegria’

ORANJESTAD - Diadomingo dia 10 di mei 2020, Dios
mediante, famianan lo celebra den nan seno priva, Dia
di Mama, cu nan Mama, Mamie, Ma, Mayo, Madushi,
Mamay y Machi stima. Tin mas dushi nomber pa e
hende muhe fuerte pero yen di ternura ey, cu a duna
luz na un of mas yiu, kendenan despues tambe a bira
Mama.

Nos ta corda riba nos bunita y dushi welanan, kendenan tawa-
ta y of ta un di dos Mama pa e nieta y of nietonan. Mamanan,
cu nan regalo di mas grandi ta pa wak su yui of yuinan para
riba nan mesun pia como adultonan responsabel, feliz y cu ta
duna bon ehempelnan na su nietonan. Tin Mamanan cu lo
pasa e dia aki sin un of mas yiu, pa motibo cu su yiu of yiunan
ta den exterior, na Hulanda, Merca of otro parti di mundo, of
Mamanan y of yiu of yiunan entrega bek na Creador di amor
den Reino Celestial. Ta recorda e almanan precioso aki den
un of otro oracion. Ki bunita ta toch e tecnologia moderno di
awendia cu ta permiti y facilita e comunicacion entre fami-
anan asina mes distancia foi di otro. Tin videocall, facebook,
wassap etc. cu por mira otro of tende otro nan stem. Y esey
lo ta e caso e aña aki, un Dia di Mama diferente den e tempo-
rada aki di “shelter in place” “y toke di keda “ y tambe “samen
scholing”. Asina mes paden den cas, por demostra y comparti
amor cu Mama dor di cushina pa Mama, canta pa Mama, bisa
Mama cuanto bo ta stime’le.
Sigui duna Mama e respet, amor, aprecio y cariño cu e merece.
E luna di Mei aki ta hopi special pa Lady Ruth, cu a bira Mama
pa di prome biaha den e luna di mei di aña 1978 cu su prome
prins Regnier y dos aña despues su di dos prins Jean. Lady
Ruth a sinti asina hopi emocion, amor y ternura ora el a tene
su prome prins den su brasanan. Ela lubida cu el a sinti hopi
dolor pa a hanjele. Gradicimento a yena su humilde curason.
Awe, Lady Ruth ta keto bay Mama di su dos prinsnan adulto
responsabel para riba nan mesun pia, cu nan mesun famia y
wela di un nieta prinses y 4 nieto prins. Locual e no por a
haci hopi, tempo nan tawata creciendo, esta, experimenta den
cushina, Lady Ruth ta hasiele awor den e temporada di crisis
aki. Ya Lady Ruth a cushina un par di biaha for di varios receta
masha dushi mes, danki na su bon y bunita amiga Laureen cu
sa cushina cuminda dushi. Lady Ruth su kerida Mama tawata
cushina sin midi den cup of cuchara etc. y semper e cuminda
ta sali dushi. Awor Mama tin 84 aña di edad y pa motibo di
balans e no por cushina su platonan crioyo dushi mas.

Danki na nos ruman homber Roberto, Papa cu Mama ta sigui
come cumindanan crioyo manera stoba, sopi carni, bonchi,
bacalou, aros con pollo etc. cu Roberto ta cushina cu hopi
amor y cariño. Nos sa, pasobra nos tambe sa purba Roberto
su dushi cumindanan.
Y ora no tin tempo of gana di cushina, ta cumpra dushi cum-
inda cerca otro bon hendenan cu tambe sa cushina dushi
y saludabel. No ta un secreto cu e miho chefnan ta hende
homber.

Lady Ruth ta gosa di su casa Johan awor na cas, ora e asisti
Lady Ruth den cushina pa entre otro mula of corta berdura
chikito chikito of pa brouw e aros con pollo.

Wel, nos ta desea tur Mama for di awe caba , pa pasa un dushi
dia di alegria den famia ! Ta Mamanan ta e curason di famia, ta
Mamanan ta e muhenan cu ta resa pa nan famia, ta Mamanan
ta esnan semper brasa habri pa ricibi bishita di su yiu of yi-
unan, nieta of nietonan.

Un bon dia di Mama tambe pa tur e Mamanan soltera y pa es-
nan cu ta Mama sin dolor, esta, Mamanan pa e subrino y sub-
rinanan por ehempel. Of pa esnan cu a adopta un of mas yiu.

Danki Sra. Mercedes Bergen-Tromp, nos dushi y bunita
Mama ! Danki pa stima nos tur, danki pa Mama cu semper
a duna nos amor y atencion y yuda nos cu bon consehonan
y tur otro cos ! Cu Bon Dios sigui bendiciona Mama , nos
Mayo stima, dia pa dia cu salud y mas sabiduria.