Page 11 - AWEMAINTA
P. 11
Dialuna, 12 Maart 2018 AWEMainta 11
Te ainda Gobierno no a Caso futbolistanan
bisa si dialuna 19 ta liber
den Corte
TIN un incertidumbre den pueblo pa loke ta celebración di e Dia
Nacional, esta 18 di maart. E fecha e aña’ki ta cay riba un diado-
mingo y te ainda Gobierno no a bisa kico ta bay pasa.
Den pasado, ora un dia nacional cay riba diadomingo, sa pasa cu ta
otorga e dia liber riba su siguiente dialuna. Esaki no ta e caso e aña
aki, dia 19 di maart, relaciona cu celebracion di Dia Nacional riba
diadomingo 18 di maart 2018. Minister Lampe si a duna scolnan
liber, pues docentenan tin un dia liber, pero demas departamentonan
di Gobierno y comercio ta sigui traha normal, di acuerdo e maneho
di Labor di Minister Glenbert Croes.
Esaki ta un poco straño pasobra ta dos dia festivo cu ta haya un dia
adicional liber si e cay riba un diadomingo (pasobra ya ta liber caba)
ta Dia 18 di Maart y Dia di Labor. Mirando cu e celebracion aki ta
diadomingo awor caba, cu e siman aki lo por tin un aclaracion riba e
situacion aki.
LUNA di maart lo ta un luna intere-
sante pa mundo di husticia. Tin casonan
importante cu ta bay wordo presenta
den Corte.
Informacion cu AWEMainta a ricibi ta
cu un di e casonan cu ta bay ta den Corte
e luna aki ta esun di e miembronan di un
ekipo di futbol cu a tene relacion sexual
cu un mucha muhe menor di edad.
Den e caso aki 4 persona, tur adulto y
hopi mas grandi cu e mucha muhe, a
wordo menciona den luna di november,
di a mantene relacion sexual cu un mu-
cha muhe di 13 aña. Osea na momen-
to cu e tabatin 13 aña ainda. Di esaki
tres di nan a wordo deteni, kendenan ta
R.M.; I.J. y C.G. Segun a wordo bisa, e
futbolistanan aki ta hunga den ekipo di
veterano y cu e hecho, aparentemente,
a tuma luga mas cu un aña, ya cu na
momento di e denuncia e mucha muhe
tabatin 15 / 16 aña. E mayornan ta es-
nan cu a entrega e keho ora cu nan a bin
tende loke cu a pasa. No ta conoci si e
caso aki ta bay ta Pro Forma of ta wordo
trata riba e fecha cu e bini dilanti.
