Page 8 - AWEMAINTA

8 AWEMainta Dialuna, 12 Maart 2018

Hoben menor di edad

haya cu marihuana y

artefactonan pa bende

DIABIERNA algo prome cu 5’or di atardi, un poco pa-

zuid di Bright Bakery un patruya atento ta mira un Hyun-

dai Getz Shinishi cu dos hoben den dje, nan tabata no
tabata tin seatbelt bisti, e dos hobennan den e auto tabata

actuando sospechoso.

Ora e chauffeur di e Hyundai Getz a mira e patruya di

polis, di biaha ela bay staciona riba e parkeerplaats banda
di Bright Bakery. E patruya a no confia esaki y a bira bin

bek, para net nan dilanti pa haci un control riba e auto.

E hoben sinta na banda mesora a sali for di e auto y a core

bay direccion zuid. Den e auto, e agentenan policial a bin

topa cu varios boter di glas cu marihuana den nan.

E chauffeur di e Hyundai Getz a keda deteni y transporta
pa warda di polis. E boternan cu ta contene marihuana,

skernan, e celularnan cu tabata tin den e auto y e auto

tambe a keda confisca. Takelwagen di polis a transporta e
auto pa warda di polis.

Despues cu polis a termina pabou di Bright Bakery, nan

a cuminsa cu un buskeda den e area caminda e pasahero

a core bay. Na un skina di caya un poco pazuid di Bright
Bakery, e polisnan a bin topa cu e hoben para banda di un

palo di luz. E hoben aki di 16 aña tambe a keda deteni.

Na momento cu ela core pa polis e tabata tin un tas preto
cune y ora cu polis a topa cune, e tabata sin e tas.

Polis a transporta e hoben aki tambe pa warda y a cum-
insa cu un buskeda den e area pa e tas preto pa mira kiko e

lo por tabata tin aden, no ta conoci si e agentenan a logra
topa cu e tas. Un habitanten un rato prome a mira e ho-

ben cu e tas rond di su nek, muy probablemente lo por tin

algo den e tas, cu e hoben aki no kier pa polis hay’e cune.