Page 20 - flip aruba bank

Caso di ‘skimming’ posponi te cu Mei

Publication: Tuesday, 31 March 2015. Categoria: Judicial

ORANJESTAD(AAN): Recientemente e sospechosonan N.D.G. y J.O.B. mester a presenta na
corte di husticia di prome instancia, debi na e hecho cu el a wordo acusa di a pone aparatonan di
skim riba algun ATM den e periodo di 2 di Augustus 2014 te 24 di Augustus 2014,
conhuntamente cu un otro of otronan.

Banda di esaki nan a wordo acusa di a saca placa cu carchinan di banco falsifica den e periodo
menciona.

Nan a wordo acusa tambe di a falsifica carchinan di banco y tabatin tin esakinan den nan
posesion den e periodo di 2 pa 24 di Augustus 2014.

Tambe nan ta wordo acusa di labamento di placa (sumanan di 14.000 dollar y/of 80.000 dollar)
den e periodo en cuestion.

Como cu e caso no por a wordo trata ainda, huez a pospone esaki te cu dia 29 di Mei.

http://www.diario.aw/2015/03/caso-di-%E2%80%98skimming%E2%80%99-posponi-te-cu-mei/