Page 31 - KPA
P. 31
a12 riba caya
Diahuebs 21 september 2017
Ladron cu a horta na Kong Hing deteni
ORANJESTAD - Diaranzon marduga,
polis a detene un supuestamente ladron
na supermercado Kong Hing, situa na
LG Smith Boulevard.
Un security cu ta controla e supermercado, a
tuma nota cu un glas di e luga tabata kibra. Na
mes momento a mira un homber core sali, y
a core su tras. E sospechoso a core drenta den
lama cu un bate den su man. Polis a presenta
na e sitio di biaha pa yuda cu e buskeda y asina
a topa cu e sospechoso, cu a sali for di awa.
Segun e homber e no sa di nada y ta hende a
bahe, pero polis a reconoce como un conoci
di husticia y e security a reconoce.
Na e luga a tuma nota di dos diferente glas
kibra unda e homber a logra drenta horta.
Bou un mata banda di e beach, polis a haya
un tas yena cu boternan di alcohol cu tabata
di e sospechoso.
