Page 36 - KPA

Pa loke ta e afpakteam, PG van Dam a splica cu nan a cuminsa dia 1 di April di e aña aki

cu un cantidad grandi di resultado y tambe a confisca mas di 1 miyon di dollar. Ta placa

cu a wordo confisca riba boto, na aeropuerto y otronan.

E ta un exito. Si nan ta den e fase di desaroyo. Nan ta trahando hunto cu Servicio di

Impuesto si nan tin hendenan cu no a paga nan boet, e ora nan por pak nan aan

fiscalmente. Tambe tin hende cu tin debe riba impuesto. Si por ehempel no tin e

posibilidad di afpak, e ora ta mande pa belasting y vice versa. FIOD ta participa den e

afpakteam, marechaussee, KPA, Ministerio Publico, Kustwacht tambe ta envolvi. Kier

asina pone tur informacion riba mesa pa asina por treed op. Nan no ta warda te ora cu

algo pasa, pero cu di antemano acumula tur informacion. E informacion ta wordo analisa

pa asina a base di esey, traha enfoca. Una bes enfoca, e ora por hinca e capacidad riba
dje.

Ta haci’e tambe den trafico di hende. Ta un team nobo cu a wordo funda, bao di guia

di Ministerio Publico y e unit di trafico di hende, tin como meta pa combati e fenomeno

aki. Pasobra nan no kier pa tin hende ilegal na Aruba pa asina nan cay den criminalidad.
Tambe nan no kier tin e hendenan aki na Aruba. Aruba ta verwelcom un contribucion

positivo, pero no contribui pa tin mas atraco. Nan no ta bon bini pa esaki y una bes gara,

nan lo bay cay den KIA, segun PG van Dam.