Page 11 - KPA_Neat
P. 11
No tin espacio pa baha caminda
di Playa pa San Nicolas
3 July, 2017
1
Tabata algo di premira cu e caminda principal cu ta bou renobacion cu e
vierbaanseweg di Playa pa San Nicolas tin algo cu departamentonan concerni
sea no a paga tino of ta pensa otro. Un acera hopi halto pa mei mei di e
caminda tanto e nobo y e bieu y e espacio ta hopi limita.
Segun manera a keda declara un biaha den conferencia di DOW no lo tin acera
pa baha caminda pero no a wak e otro banda. Sea un automobilista confronta
problema cu su vehiculo, auto a daña, haya flat tire y te asta un accidente, no
por baha caminda debi na e espacio entre acera cu e caminda. Acaso mester
keda riba caminda cambia tire, of di un accidente keda riba caminda y causa
mas desgracia??? Loke por a compronde ta cu lo bay drecha ambos banda di
caminda unda cu e espacio lo ta limita.
Loke a pasa dialuna mainta riba caminda principal na Wayaca ta mustra bon cla
con un auto a baha caminda pa un flat tire pero e espacio ta hopi chikito pa e
hendenan haci e trabou unda e auto ta banda di caminda pero e hendenan mes
ta riba caminda, debi cu tin un acera di beton asina halto na banda cu ta haci cu
e vehiculo no por baha caminda mas paden.
Taxista a enfrenta taxi pirata cu
lanta turistanan den area di Hotel
3 July, 2017
0
