Page 14 - KPA_Neat
P. 14
caminda pa cas, ora cu su yiu muhe a yam’e y a bise cu un hende a manda un piedra den e schuifdeur
di e cas y kibra esaki. Ora cu D. a yega, el a mira cu enberdad cu e glas di e schuifdeur tabata kibra.
Paden e por a mira un bon pida piedra benta. E pida piedra posiblemente lo ta for di pida muraya cu
tin dilanti di e cas. E dama a comenta cu e no tin problema cu ningun hende. Si tabatin un testigo
kende a declara telefonicamente na polis cu el a mira un homber y un muhe desconoci p’e dilanti di e
cas. Nan tabata cana dilanti di e cas ora cu e homber desconoci a coy e piedra y a tira esaki contra di
e schuifdeur. Despues nan a cana bay direccion casnan di pueblo na Noord. E homber desconoci
tabata un homber color cla cu cabey blond largo. E tabata tin un tshirt preto bisti y un carson preto. E
muhe desconoci ta di postura chikito cu cabey largo blond. E tabatin un bril bisti. Central a wordo
poni na altura.
SPLASH
PAGA BO BOETNAN Y
BELASTING PROME CU BO
BAY CU VAKANTIE
Suceso
NOTICIA DI POLIS: HOMBER
TA PERDE VARIOS PLACA DI
SU CARTERA
20 SECS
POST VIEWS: 6
ORANJESTAD, Aruba
Diabierna, pa mas of menos 10’or y mey di mainta, telefonicamente chief security di un Low Rise
Hotel a duna keho di ladronicia. Eynan patruya a papia cu e homber F., kende a declara cu e ta doño
di un restaurant. E mainta ey, banda di 8’or y mey, el a bay sinta bao di un palapa banda pabao di e
hotel, unda cu el a bay bebe su koffie. Un rato despues el a lanta bay pa hiba su yiunan scol. Banda di
