Page 17 - KPA_Neat
P. 17
POST VIEWS: 7
ORANJESTAD, Aruba
Diabierna, pa mas of menos 2’or y 48 di marduga, Central ta dirigi patruya na Sabana Basora pa un
persona indesea. Eynan a papia cu e habitante T., kende a declara cu su ex amiga, e dama K.,
constantemente ta persigui’e. T. tabata na Oxigen Lounge y K. tambe tabata eynan y a dal T. un paar
di biaha. Despues di esaki K. a dal contra e windshield di auto di un conoci di T. E auto no a haya
daño. Na cas T. a yama polis y a pone polis na altura cu e ta kere cu K. lo bin su cas pa busk’e
problema y kibra cos eynan, mirando cu el a yega di haci’e den pasado. T. a wordo conseha pa bay
recherche. Central a wordo poni na altura.
ORANJESTAD, Aruba
Afpakteam di Aruba ta dedica extra atencion e temporada di vakantie aki, na boetnan cu ta habri
ainda y cobranzanan di belasting cu no a wordo paga ainda. Na juni hopi hende ta haya vakantiegeld,
y esey ta haci cu nan tin mas espacio den nan cartera pa paga e boetnan y cobranzanan aki. Door di
paga na tempo ta evita cu un boet ta wordo aumenta of den e caso di mas extremo, cu hende ta wordo
deteni of ta haya un prohibicion pa viaha. Vooral e ultimonan ey lo nifica un inicio desagradable di
vakantie.
Afpakteam di Aruba ta haci un yamada na personanan cu tin boetnan atrasa of cobranzanan di
belasting habri, pa bin paga. Caha di Ministerio Publico ta habri di dialuna pa diabierna di 08.00 pa
11.30’or di mainta y di 13.00 pa 15.30’or di atardi. Caha di Departamento di Impuesto ta habri di
dialuna te diabierna di 07.45 pa 11.45’or di mainta y di 13.15 te 15.30’or di atardi.
Afpakteam ta un entidad di cooperacion di Ministerio Publico di Aruba, Cuerpo Policial, Cuerpo di
Aduana, Fiot (Fiscale inlichtingen- en opsporingsteam) di Departamento di Impuesto, FIOD (Fiscale
Inlichtingen- en Opsporingsdienst), Marechaussee, Kustwacht di Aruba, MOT y RST. E Afpakteam
ta combati criminalidad financiero-economico y a cuminza traha riba prome di maart ultimo.
Suceso
