Page 56 - MIN TTC

http://www.24ora.com/politica-mainmenu-18/90631-minister-otmar-oduber-a-desea-insel-air-aruba-
exito-cu-nan-destinacion-nobo-pa-manaus

Minister Otmar Oduber a desea Insel Air Aruba exito cu nan destinacion nobo pa
Manaus

Wednesday, 14 January 2015 22:37

Comparti

Minister Otmar Oduber tabata presente pa testigua e salida di e prome avion di Insel Air Aruba pa
Manaus. Frederik Nuboer cu CEO di Insel Air Aruba a aprecia e presencia di e mandatario. Tambe Jurgen
Benschop un di e directornan di aeropuerto tabata presente.

E mihor deseonan pa e destinacion nobo di Insel tabata e palabranan di aeropuerto mes y e mandatario di
turismo. Minister Otmar Oduber durante su presencia a expresa su mes tambe na tur esnan presente. E
minister a hala e CEO cerca di dje pasobra e kier tabata sigur di e commitment cu e CEO mes a caba di
expresa durante su speech. Den nomber di gobierno di Aruba minister Otmar Oduber a felicita Insel y
henter e team di ATA y aeropuerto di Aruba cu a duna oido for di tres anja pasa ora cu a papia riba e
deseonan aki. E proyecto aki ya for di cinco anja pasa a yega di papia riba dje hunto cu KLM na Hulanda.
Aki por mira cu por papia riba resultadonan di planificacion y consistencia cu ta wordo mira cu nos
aerolineanan tambe. Awe por mira claramente cu despues di papia cu KLM nan di Insel ta hunto tambe
como partner mescos cu Gol y Air France, Delta y otronan pero den mesun rosea creciendo birando mas
grandi cada biaha den forma rapido. Loke ta di aprecia ta cu hopi Arubiano ta hayando trabou den e
empresa. Minister Otmar Oduber a bisa tambe cu e tabata tin combersacion cu alto ehecutivonan di Insel
Air. Tin seis avion caba pa e anja aki cu posibilidad di e di siete avion tambe unica y registra na Aruba. Ya
caba e minister tabata tin combersacion cu e director encarga cu logistica di aeropuerto pa asina mira
unda lo bai para tur e avionnan di Insel. Awor ta mirando avionnan mas grandi di aerolineanan cu ta
duna un indicacion cu tin confianza den e mercado. Ta importante pa keda subraya den e confianza cu tin
den e destinacion Aruba na prome lugar. Tambe e confianza pa haci di e aeropuerto di Aruba un hub den
e area aki pa cual lo papia mas riba dje tambe den e dianan nos dilanti. Asina minister Otmar Oduber a
desea e directiva di ATA exito cu e vuelo inaugural pa Manaus. Tabata importante pa gradici tur esnan cu
a copera. Ta deseo pa e vuelo inaugural aki ta uno permanente cu e sosten necesario cu gobierno lo brinda
hunto cu e demas pa partnernan.