Page 59 - MIN TTC

Segun sra. Ronella Tjin Asjoe – Croes, esaki ta un prome
paso cu lo wordo sigui dor di otro pasonan tambe

 Jan 15th, 2015
 Local

Sra. Ronella Tijn Asjoe-Croes, kende ta CEO di ATA tabata personalmete presente na aeropuerto Reina Beatrix, na
momento cu e buelo inuagural tabata preparando pa lanta buelo pa Manaus Brazil diarazon mainta.
Na e occacion aki sra. Tjin Asjoe a hiba palabra bisando cu e vuelo aki pa ATA esaki ta un logro grandi y e maneho
e delinea. ATA lo sigui traha duro ariba buelonan non stop for di Brazil, cu
ta un mercado cu ta creciendo hopi postivo pa Aruba. E meta ta pa redobla e cantidad di pasahero pa Aruba den e
proximo anjanan. Pa esaki bira posibel segun Ronella Croes mester tin destinacionnan non stop. Tin coneccionnan
hopi bon pa Aruba y tin partnernan hopi bon. Papiando di partnership Insel Air ta hunga un rol hopi importante
segun Ronella Croes. Esaki ta un muestra con Insel Air ta scucha tambe locual ta importante pa Aruba y loke ta
maneho di turismo pa asina logra un vuelo non stop pa Brasil. Esaki ta un prome paso cu lo wordo sigui dor di otro
pasonan tambe y cu ta cuadra perfectamente den strategia di Aruba y ATA. Ronnela Croes a desea e aerolinea tur
clase di exito y nan a bin ta traha masha bon caba cu otro riba diferente ruta y tambe den mercado di Manaus unda
den december a haci diferente movecion pa introduci e vuelo aki. Na Manaus tabata tin un team di ATA sperando
riba e prome vuelo. Asina kier sigui traha hunto pa un relacion estrecho.