Page 52 - FDLP

Diasabra dia 2 di Juni 2018 San Nicolas Taekwondo Center a organisa e di 10

campeonato nacional na memoria di srta. Anashia Murray q.e.p.d na Teresita Center na

San Nicolas. Un total di 6 scol miembro di Aruba Taekwondo Bond (ARTBO) a participa

na e campeonato aki:

Brazil Taekwondo Stichting bou encargo di Master Alberto Klabér. Impact Taekwondo

Stichting bou encargo di Instructora Monica Pimentel. E.T.U. Foundation bou encargo di

Master Ester Coffy.Tiger Taekwondo Academy bou encargo di Instructor Teofilo

Rodriquez. Noord Taekwondo Center bou encargo di Grand Master Jose Chaco Cornelio.

San Nicolas Taekwondo Center bou encargo di Master Eric Barry.

Presidente di ARTBO Dr. Guaicaipuro Jimenez a duna palabra di bon bini na e atletanan

presente. E mama di e defunto Sra. Norma Murray a duna palabra di danki na tur scol

miembro di Taekwondo pa ta presente na e campeonato na memoria di su yiu srta.

Anashia Murray q.e.p.d. E sobrino di e defunto tambe tabata presente y nan a entrege un

medaya di oro como simbolo di e apertura oficial di e campeonato. Un total di 64 atleta a

competi na e campeonato nacional aki. E parti di referee tabata bou encargo di Master

Augie Tromp y Master Moises Dumfries. Prome cu e campeonato a cuminsa a duna un
minuut di silencio. Un danki ta bay na tur e mayornan di e atletanan. Un danki special na

tur e mayornan di San Nicolas Taekwondo Center cu a yuda na e campeonato aki.

Resultado completo