Page 9 - AM220309

Diaranson, 09 di Maart 2022|9

OPPA cu su prome actividad pa 2022: ‘Ban gosa

un crenchi riba OPPA su plenchi’

Diasabra, 5 di maart 2022, for di 6:00 pm – 10:00 pm,
OPPA a tene su prome actividad p’e aña aki cu un tremendo
fiesta riba e parkeerplaats dilanti di Cas di OPPA. E fiesta aki
tabata p’e miembronan y nan por a trece un introducido di
18 aña pariba. E tema di e fiesta tabata ‘Ban gosa un crenchi
riba OPPA su plenchi’.
Banda di 6:00 madre naturalesa a bendiciona nos actividad
cu un tremendo awacero. Na e momento di e awacero esun-
nan presente a bay paden pa no haya un baño. Nan a keda
warda trankil te ora cu awa a stop di yobe.
Ora cu awa a stop, cu hopi entusiasmo tur presente, a yuda
seca e stoelnan y mop caminda tabata muha pasobra nan a
bin pa gosa y nada lo a stop nan di haci esaki.
Pa 6:30 pm, e banda di OPPA, Banda Musical OPPA (BMO) a
cuminsa toca y mesora tur hende a subi e pista di baile y a
balia sin salta un pieza cu e banda a toca. E ambiente tabata
yen di alegria y tur esnan presente a gosa for di comienso te
ora cu e fiesta a termina. E comentarionan cu nos a ricibi ta
cu nan a haya cu e fiesta a pasa mucho lihe y nan a keda cu
gana di sigui. BMO a duna un bunita presentacion musical
cu musica hopi varia. Na final tur presente a yuda “ruim op”
pa despues c’un sentimento di satisfaccion a despedi di otro y
cu e peticion na directiva pa un ripiticion di e actividad riba e
‘PLENCHI DI OPPA’!