Page 21 - AM221114

Dialuna, 14 November 2022 AWEMainta Comunidad

Polis y personal administrativo a wordo promovi

Diferente promocion y celebracion di hubileo

en un evento ameno na auditorium di J.FK. altocomisario
D di Polis Sr. Ramon Arnhem a haci entrega di decreto gu-
bernamental, hubilario y reconocimento na agentenan policial

y personal administrativo.
Altocomisario Arnhem a cambia rango di un agente policial
extra ordinario cu durante su trabou como agente policial a
haya un accidente pisa cu t’e ainda e ta recuperando di su

salud. Ta trata aki di polis A. CROES. Un polis cu maske tur e
retonan cu el a wordo confronta cune a keda positivo y sigui
brinda Aruba cu su servicio sin igual. Cu su pasion y determina-
cion nos ta mira cu e tin e curason di Polis pa maske con dificil

e circunstancianan por ta, e la sigui padilanti. Nos ta yama
Sr. CROES danki pa su determinacion y awor por conta cu un
rango mas halto for di Brigadier eerste klasse pa Hoofdagent.
Den Cuerpo Policial tambe nos tin nos personal administrativo

cu a ricibi nan promocion pero sigur nos ta contento y mas
aun orguyoso di Sra. W. JACOBS-GEERMAN. Un persona dedica
cu a sigui persevera pa yuda tur agente Policial. Dunando tur
personal den KPA e sosten y apoyo maske circunstancianan

a presenta pa su mes persona pero esey no a kita su gana pa
sigui sirbi su Cuerpo. Su motivacion y positivismo ta sin igual
y awe nos di Cuerpo Policial ta yame danki y nos ta super
orguyoso di dje paso sigur JACOBS-GEERMAN ta un persona

ehemplar pa nos tur den KPA.
Tambe altocomisario a haci entrega di decreto gubernamental
pa dos polis cu a cumpli 25 aña den Cuerpo Policial. R. JANSEN
y R. RIDDERSTAAT. 25 aña di hopi experiencia, dedicacion y

respet pa nos organisacion policial.
Sra. P. PEREZ-HENRIQUEZ nos personal administrativo a wordo
promovi di klerk eerste klasse pa Hoofdklerk.
Un grupo grandi di Polis awor ta haya mas responsabilidad y

ta wordo promovi for di brigadier eerste klasse pa Hoofdagent:
Y. PEÑA, D. VISSER BOEKHOUDT, A. HARMS, L. CROES, A.
GEERMAN, J. PETRONA, A. ANGELA y M. ILLES. Na cada un di
e Polisnan aki nos ta yama nan danki pa nan sosten compren-

sion y mas aun nan esfuerso y empeño pa sigui demonstra nan
lealtad y amor pa nos Cuerpo pero pa Pais Aruba.
G. GEERMAN y E. MADURO a wordo promovi di Hoofdagent pa
Hoofdagent eerste klasse.

J. TROMP, S. KOCK, R. DIRKS, y F. VAN DER LINDE a wordo
promovi for di Onderinspecteur pa Onderinspecteur eerste
klasse.
Masha pabien na e grupo grandi di polisnan cu a haya nan

reconocimento y decreto gubernamental. Alabes masha
pabien na nos hubilarionan cu a yega 25 aña den servicio
di Cuerpo Policial Aruba. Nos ta masha orguyoso di boso.
Sigur boso famia tambe mester ta orguyoso di boso cu boso

bunita trayectorio largo den nos organisacion policial. MASHA
PABIEN!

21