Page 53 - min vos - may 7, 2015

largo, ta loke cu Minister di Salud Publico dr. Alex Schwengle a bisa den un declaracion duna.
El a sigui splica cu algun luna atras a cuminsa cu e seleccion di e Presidente di e directiva, cu ta director
di hospital. E dos otro posicionnan ta ocupa caba y falta solamente e Presidente. Ta busca un persona cu
tin experiencia den maneho di un compania grandi, cu tin conocemento di sector di hospital y
hospitalidad, algo di e ramo di cuido, pero hopi importante ta cu e mester ta un bon “team player”. Otro
aspecto ta cu e mester conoce e cultura di Aruba. E mandatario a wordo informa door di e comision
encarga cu e procedura di seleccion, cu tin varios candidato cu e solicita. Pa haci e seleccion mas obhetivo
posibel, Hospital a tene un destaho publico en busca di un compania cu ta esun cu ta haci e procedura di
seleccion di e director nobo di hospital. E cantidad di solicitantenan ta menos cu 10 y e no tin
conocemento si su colega Minister Arthur Dowers a solicita pa e posicion aki. E mandatario sinembargo
no por a informa ki dia por spera un final di trabou di e compania encarga cu e procedura di e seleccion.
Si e ta spera cu esaki no tarda hopi mas. El a enfatisa cu ta pa transparencia e Hunta di Supervision a
dicidi pa hinca e seleccion di e candidatonan den man di un compania independiente. Na final algun
nomber lo wordo entrega na Hunta di Supervision, kendenan hunto cu e mandatario lo tuma e decision
riba kende ta bay ocupa e funcion.

http://www.24ora.com/politica-mainmenu-18/94871-casi-10-persona-a-solicita-pa-e-puesto-di-director-
di-hoh

Plan di Sala di Operacion no ta cla ainda y e mandatario ta
rabia

W ednesday, 06 May 2015 21:07
Comparti

Un problema cu a confronta recientemente tabata cu den e plannan di renobacion y ampliacion di dr.
Horacio Oduber Hospital no a inclui un sala di operacion nobo. Despues di algun reunion, a dicidi pa
inclui un sala nobo di OK den e proyecto.
Pa logra na yega na con, unda y con grandi e lo wordo construi, a tuma algun tempo prome cu e
gruponan envolvi por a yega na un consensus. E mandatario tabata un poco disgusta cu e tardansa y a
exigi mas rapidez for di SOGA pa finalisa cu e fase aki di e proyecto. E schets ta cla caba y awor SOGA
mester bini cu e plan di e schets y e presupuesto, pa mira si e ta aceptabel. Parlamento ta en espera di
esaki pa duna aprobacion pa e parti aki wordo inclui den e diseñonan. Pesey tambe cu e mandatario ta un
poco impaciente pa haya e plan y mira kico ta haci cu e persona cu a tuma un decision malo na 2010 pa
no inclui un sala di operacion nobo den e plan. E suma adicional cu mester wordo inclui pa e sala di
operacion, ta studiando ainda con ta bay haci esaki. Un di e opcionnan ta enbes di paga mas pa aña, por
alarga e cantidad di añanan. Por busca fondonan for di presupuesto pa pague di un solo biaha cu lo ta
mas miho ya cu lo no paga interest, of mester haci un fiansa apart. E ultimo aki no ta algo cu e
mandatario ta mucho di acuerdo cune. E sala di operacion ta encera solamente e sala, sin e ekiponan cu
mester bay den dje. Hospital mes lo busca un forma pa yena esaki hunto cu AZV.

http://www.24ora.com/politica-mainmenu-18/94878-plan-di-sala-di-operacion-no-ta-cla-ainda-y-e-
mandatario-ta-rabia