Page 54 - min vos - may 7, 2015

ODEA contento cu e siman di enfermeria a wordo
habri pa un enfermero cu ta director di hospital
awe

• May 6th, 2015
• Local, Splash

Sharyn Tromp ta representante di ODEA. Durante e ocasion na apertura di e siman di enfermeria el a
hiba palabra. E ta contento cu e siman di enfermeria a wordo habri pa un enfermero cu ta director di
Hospital awe. ODEA ta enfoca riba hopi cos entre otro e responsabilidad di educacion y servicio di
calidad cu mester wordo duna.
Durante su discurso e ta menciona cu esaki ta di 4 aña cu gobierno a proclama siman di enfermeria di 6
pa 12 di Mei. Esaki a wordo logra despues di hopi esfuerzo door di un enfermero. Awe segun cu por sinti
nan mes mas orguyoso tambe door di a tende pa su mesun persona, cu e siman di enfermeria por a
habri tambe pa un enfermero. Como director di nos unico hospital. E prueba di e profesion aki ta, cu sky
is the limit. Sky is the limit ta cu tabata tin enfermeronan den posicion como parlamentario, tabata tin
enfermeronan como minister di Aruba, tin enfermeronan como consehero di minister, tin enfermeronan
como director di institutonan hopi importante den salubridad y riba otro tereno. Kico esaki ta nifica, cu ta
un siman pa reflexiona riba e importancia di e rol di enfermero den bida di cada ser humano cu ta inclui
nan tambe. Nan ta enfermero, pero nan tambe ta bira pashent y nan coleganan ta cuida nan.
Tromp ta bisa tur studiante, a scoge un estudio cuta hopi bon. Un profesion noble, cu ta bay exigi hopi
curashi, curazon, perseverancia pa por logra pasa e pruebanan di exigencia. Esaki no ta facil. Ora cu
caba ta bay tin e honor di carga e titulo di enfermero. Si tin e diploma den bo man y a kere cu a caba di
studia, e ora ey a scoge un profesion robez. E profesion aki ta una bes un nurse, semper un nurse. Den
uniform of sin uniform.
Tromp a termina ta felicita tur enfermero cu nan siman, despues di a duna un discurso elocuente na
honor di tur enfermero na Aruba.

http://masnoticia.com/odea-contento-cu-e-siman-di-enfermeria-a-wordo-habri-pa-un-enfermero-cu-ta-
director-di-hospital-awe/