Page 4 - LOTTO

16 AWEMainta Diabierna, 20 October 2017

Fundacion Lotto pa Deporte yudando pa futbol crece

Aruba lo participa den

ABC Cup na november awor

FUNDACION Lotto pa Deporte conhuntamente
cu Arubaanse Voetbal Bond (AVB) a haci posibel
pa hiba e team campeon Coca-Cola Nacional pa
participa den e ABC Cup, cu tabata Copa Antiano.
Presidente di e fundacion, Di-Stefano Wernet ta
contento pa cu esaki. FLpD a haci un donacion di
15.000 p’asina yuda AVB p’e ABC Cup.
El a elabora cu semper nan a coopera cu AVB, unda
cu semper nan a mira e importancia di e deporte rey
futbol, cu tin hopi team, hopi atleta y fanaticada.
E directiva di AVB a acerca Fundacion Lotto pa
Deporte y di biaha a mira e importancia di recorda
e campeonnan di Antias, e campeonnan di e campe-
onatonan Antiano. Pa cu esaki a dicidi di yuda AVB
financieramente n’e proyecto aki. E ta un join venture
entre AVB y Lotto, unda cu tur dia e ta historico. Di-
Stefano Wernet a pidi pa tur hende cu por bay p’asina
sostene e team di Coca-Cola Nacional na Bonaire,
cual campeonato lo tuma lugar na november. Tambe
el a remarca cu mester sigui apoya e campeonato local
cu a cuminsa. Presidente di FLpD a invita tur hende
pa yega stadion y apoya e deporte p’asina esaki bay
padilanti. Deporte ta uni tur hende, pasobra deporte
no ta mira raza, ni sexo, religion, politica, pero pa tur
hende uni den deporte cu fair play.

ATENCION!

PARTICIPACION

AWEMAINTA ta acepta publicacion di comunicado
di prensa (press release) acompaña cu foto digital
asumiendo cu e persona of e instancia cu a somete e
comunicado di prensa pa publicacion tin derecho of
autoridad pa publica of usa e material digital cu a ser
somete pa publicacion. E presentacion di e comu-
nicado di prensa pa publication den AWEMainta ta
ensera cu e persona of instancia ta asegura cu e tin
derecho of autoridad pa publica e material digital y
cu e ta acepta sin ningun reserva pa indemnifica y
proteha AWEMainta por completo contra di cualkier
demanda of causa pa daño y prehuicio cu ta ser alega
contra AWEMainta pa motibo di cualkier violacion
di derecho di autor, cualkier otro derecho intelectual
of otro derecho civil of contractual.

Gerencia