Page 17 - MIN SOC 20JAN,2016
P. 17
40 Djarason 20 Yanüari 2016
…Mario Kleinmoedig
miembro di FOKO…
MIENTRAS NO
TIN LEI GOBIERNU
POR TRAHA
RIBA MANEHO DI
PROTEKSHON
...Despues di 20
aña porfin apertura
pa papia riba tema
tabú...
WILLEMSTAD.- Despues
di 20 aña di eksistensha
porfin tin un apertura pa
FOKO haña atenshon di
Gobièrnu kaminda por tin
interkambio di pensamentu.
Esei ta un di e puntonan
esensial ku a Sali despues di
e debate ku a tuma lugá ayera
nochi na Teater Luna Blou
tokante di komunidatnan
homoseksual, lesbiana i
transgender (hòmber ku
ta den kurpa di muhé i
visevèrsa).
Mario Kleinmoedig ku
ta miembro di e direktiva
a bisa ku tin kosnan ku
kisas lo dura vários aña pa
implementá nan, manera
leinan di kasamentu ku na
islanan BES si ta vigente. El a
bisa ku kosnan ku por traha
ariba ta un kambio di maneho
ku ta kibra e ignoransha
kontra di homoseksualidat.
Mester tin oportunidatnan
pa papia na skolnan riba e
tema di hóbennan maltratá
pa yuda otro hóbennan.
El a enfatisá ku danki
Dios no tin batimentu
di homoseksualnan na
Kòrsou, òf ‘Gay Bashing’
manera ta yam’é na
Merka. “Loke si tin hopi na
Kòrsou ta stigmatisashon i
akusashonnan ku hendenan
‘gay’ ta hasi kosnan
diabóliko i ta tilda nan di ta
tur sorto di kos negativo. Di
mes esei ta pone ku nan ta
bira depresivo.
Hopi di e hóbennan ta bai
Ulanda i nunka mas nan no
ta bin bèk i otronan ku no por
biba ku e rechaso ta kometé
suisidio despues. Mayoria
di esnan ku tabata presente
a bai di akuerdo ku mester
tin apertura pa papia. Mitar
tabata homoseksualnan,
hopi tabata heteroseksual i
tabatin funshonarionan di
Ministerionan di Gobièrnu
manera SOAW ku tabata
presente i tambe NGO-nan”,
asina Marlon Reina bosero di
Foko a bisa EXTRA. Awe tardi
4:00 tin un funshon di ‘One
Kingdom One Ove’ spesial
pa hóbennan na Rainbow
House den Matancia. Esnan
ku ke bai tuma kontakto ku
sr. Reina na 521-5054.
