Page 4 - AM210323

4 AWEMainta
Stadion Crismo Angela
Ehempel di un maneho
sin pia ni cabes pa loke ta
deporte dor di Crisisteam
GOBIERNO a anuncia medidanan relaciona cu e aumento
di casonan di Covid-19 den fin di siman y sumamente alen-
tado tabata e hecho cu e biaha aki no a dicidi di paralisa
deporte aki na Aruba, algo cu sin duda tabata sumamente
necesario den un periodo cu no tabatin ningun actividad
social of di cualkier otro indole.
Mientras cu organisacionnan y sin duda mayornan a bin
ta sclamando pa nan miembro- y yiunan haya oportunidad
pa practica deporte, manera tabata sosode na tur parti di
mundo, aki na Aruba deporte a shut down por completo
lagando hopi hoben perhudica.
Awor cu por a start up bek y cu no a bolbe shut down de-
porte, por sinti e alivio grandi cu mucha y hobennan tin
algo positivo pa haci na lugar di perde tempo buscando otro
cosnan pa haci cu kisas no ta bon.
Un punto sinembargo cu ainda ta sigui punto di discusion,
t’e hecho cu Crisisteam no kier mira fanaticonan riba tri-
buna, sin cu tin argumento husto p’esaki.
Ta conoci for di algun aña caba, cu tribuna di stadionnan
rond Aruba, nunca ta colma cu fanaticonan, es mas tin un
tendencia sumamente negativo caminda mayornan mes di
e mucha- y hobennan cu ta eherce un of otro deporte, no ta
atende wega di nan yiunan.
Consecuentemente si tuma un ehempel di p.e. e Campe-
onato di Futbol di division di honor, ta masha tempo cu no
ta surpasa ni yega cerca di 100 fanatico riba tribuna, loke
Diamars, 23 Maart 2021
ta pone cu fanaticonan por sinta leu for di otro sin prob-
lema algun y cu nan mondkapje.
N’e parke di baseball na Santa Cruz, esta esun di Crismo
Angela, mayornan no ta ser permiti pa sinta riba tribuna,
ya cu segun medida tuma pa Crisisteam, esaki no ta per-
misibel, pero e stadion su capacidad ta di entre 700 pa 800
fanatico, cual solamente a ser logra na algun ocasion hopi
tempo pasa, ora cu e seleccion di Little of Senior League, a
hunga den un of otro final di Serie del Caribe.
Weganan local simplemente no ta atrae mucho fanatico
tampoco y por papia di un grupo di entre 15 pa 50 hende lo
por atende weganan di baseball, loke tampoco mester ta un
peliger pa salud di esnan cu ta dicidi di bay mira un wega
di baseball.
Awor cu mayornan no por drenta y sinta riba tribuna, por
mira patras di rightfield, centerfield y leftfield, cantidad di
auto staciona den cual tin mayornan cu ta sigui e wega di
nan yiu, pues loke por a sinta paden riba tribune, awor ta
sinta pafo di e stadion mes, pero caminda facilmente por
sinta mira e wega for di un distancia un tiki mas aleha.
Pues por pone un oficial di e stadion mes sinta controla con
tur hende ta sinta riba tribuna, ya cu tin suficiente espacio
pa fanaticonan sinta cu mas cu 1.5 meter di distancia, ya
cu no tin hopi fanatico cu ta bay mira e weganan aki y no
por papia di un aglomeracion manera por t’e caso na beach
of den un fiesta cu hopi hende.