Page 9 - AM210323

Diamars, 23 Maart 2021 AWEMainta 9

Renaissance Aruba Resort & Casino ta

celebra 25 aña cu Payroll Pro HRM

DIALUNA, 22 maart, e team di Payroll Pro HRM a pasa Renaissance Aruba Resort
& Casino y a combersa cu e team encarga cu e parti di payroll, esta Junior Croeze - IT
Director, Rosienne Tromp – Director of Finance, Raquel Muyale – Senior Accounting
Coordinator y Mayra Maduro-Tromp – Payroll Master.
E aña aki, Renaissance Aruba Resort & Casino ta cumpli 25 aña di ta cliente fiel di
Payroll Pro HRM. P’e motibo aki, e team di Payroll Pro HRM a pasa bishita nan y hiba
un dushi bolo p’e team. Di e manera aki e team di Payroll Pro HRM kier gradici p’e
confiansa y e support pa cu e software local.
Juni Croeze ta comenta: “Nos tin hopi aña cu Payroll Pro HRM y a experencia e
desaroyo di e software y con e la crece na Aruba.”
Juni Croeze ta sigi comparti: “Mi tin hopi bon recuerdonan di e support y servicio cu
nos a haya di parti di e team di Payroll Pro HRM durante tur e añanan aki.”
Rosienne Tromp ta comparti: “E programa ta hopi facil pa uza y hopi completo. Ademas,
nos ta haya un tremendo support tur biaha cu nos mester.”
Payroll Pro HRM di su banda ta hopi satisfecho di por conta cu cliente manera
Renaissance Aruba Resort & Casino cu ta conoci pa ta un tremendo resort y cu un
servicio extraordinario.
Payroll Pro HRM ta gradici e team di Renaissance Aruba Resort & Casino p’e lealtad
n’e producto y pa a comparti un rato cu e team di Payroll Pro HRM.

Diferente bar na Aruba

ta kedando habri

despues di 11’or

DEN e dianan aki Polis ta basta activo den

e oranan di anochi pa controla e barnan si
nan ta siguiendo tur e reglanan DVG.

Patruyanan a bin topa cu n’e negoshi
“Komedo” tabatin basta auto pafo y a bin

nota cu ainda despues di 11’or tabatin
hende paden. Tambe Club 809 cu ainda no

tin permiso pa opera ainda a haye ta habri
despues di 11’or y cu hende paden tambe.

Den fin di siman cu a pasa por a wak tam-

be cu patruyanan mester a sera Blue Moon
y Cas Casuela pasobra nan no a mantene

nan mes na regla. E lugarnan tabata yen
yen di hende y nan no tabata manteniendo

na distanciamiento social. Apesar cu dife-
rente club tabata habri despues di 11’or

por a tuma nota cu Bochincha y e Bar Am-
sterdam si tabata manteniendo su mes na

regla y e unico personanan cu tabata paden
di e lugar ta empleadonan finalizando nan

ultimo trabou.