Page 60 - MIN ON 13 APRIL 2016
P. 60
extra tempo y specialmente pa duna nos mesun un schouderklopje pasobra nos ta bon bezig", asina
Juffrouw Carolina Paesch-Quandus a bisa hariendo, mustrando un satisfaccion grandi y orguyo di e
trabou cu nan ta realisa diariamente cu e alumnonan special.
Na final por menciona cu e tayer aki a siña e docentenan di enseñansa special cu nan tin mas espacio pa
diferencia, pasobra si den un grupo den enseñansa basico nan tin cu sigui y no tur mucha ta yega e meta
na mesun momento, cu den enseñansa special tin espacio pa traha cu un grupo di diferente nivel y un ta
yega mas lihe cu otro, locual ta haci e enseñansa special.
Manera ta conoci, Minister di Enseñansa, Michelle Hooyboer-Winklaar ta trahando riba "Kerndoelen"
den cual ta enfoca riba e materia di rekenen o sea matematica na scolnan basico. E intencion ta pa tur
scol brinda e mesun calidad di enseñansa, cu na final e alumnonan, aunke di scolnan diferente, ta na e
mesun nivel den e materia di matematica. Pa logra esey mester percura cu e docentenan ta uza e mesun
formula di duna les, ta duna e mesun materia y ta percura pa na final logra e mesun meta pa cu e
alumnonan.
Ta preparando scolnan pa duna matematica na e mesun nivel
Tuesday, 12 April 2016 18:56
Comparti
Docentenan ta ricibiendo mas informacion riba e materia matematica, cu ta encera e metodonan cu ta
bogando pe.
"Aunke cu e docentenan ta trahando cu e metodonan aki caba, toch e informacion suministra na nan
tabata hopi concreto di tur locual nos mester sa y pa sigui traha riba dje", asina Lilian Giel ta docente na
Emmaschool, specialisa den enseñansa pa nos muchanan special, a duna di conoce.
Durante e charla a educa e docentenan cu un cantidad adicional di informacion y guia den e materia di
