Page 65 - MIN ON 13 APRIL 2016

Olivia Groeneveld ta cordinadora di perspectiva mundial di IPA e aña aki. Durante un conferencia na IPA
el a splica cu e studiantenan di tercer aña a wordo prepara pa pasantia internacional. Ta parti di nan
studio. E aña aki e studiantenan a bay seis diferente pais. Dos grupo a bay Merca, Barcelona, Puerto Rico
y Antwerpen.

Nan a prepara den un periodo amplio na Aruba y a haya hopi informacion relaciona cu sostenibilidad.
Haime Croes ta e cordinador di e proyecto Pasantia Mundial. Nan a usa e desaroyo duradero como un
base pa incorpora esaki den enseñanza. Henter mundo ta bezig cu e tema aki. E reto mas grandi ta pa
incorpora e nomber aki den enseñanza. Si no yega na e muchanan ta dificil pa papia riba sostenibilidad a
largo plazo segun Haime Croes. E parti di enseñanza ta unico manera cu mundo por drecha mirando loke
tin cu cambio climatico. Haime Croes a splica cu di February pa Maart e studiantenan a haya un
splicacion completo riba e tema aki. IPA tin bon contacto cu e universidadnan rond mundo tambe.

A bay Antwerpen cu ta un destinacion nobo pero a bay otronan tambe cu ta conoci caba. E experiencia
den inovacion ta importante. E parti aki mester por yega na scolnan den e curriculum. Haime Croes a
splica cu tabata tin un combinacion den e destinacion nobo di Hulanda cu Antwerpen y esaki tambe a
contribui positivamente pa e studiantenan cu a haci nan Pasantia.