Page 66 - MIN ON 13 APRIL 2016

Alumnonan di Colegio Ora Ubao awo tin “speelplaats”
asfalta

on: April 12, 2016In: LocalNo Comments
Print Email

“E asfalt ta trece un cambio grandi pa e alumnonan”, asina Ivan Croes, cabesante di Colegio Ora
Ubao situa na Tanki Leendert a duna di conoce dialuna mainta despues di tuma nota di e trabounan
realisa. E ta corda ainda cu te cu algun dia pasa e muchanan tabata hunga den santo, pero awor cu
pa algun dia caba tin asfalt ta nota cambio positivo den nan forma di hunga.
Separa di e stof cu tabata un problema serio pa dunamento di les na e scol, tambe e muchanan
tabata yega den klas tur sushi despues di pauze. E weganan cu por hunga awo tambe ta hopi
diferente y nan ta mas contento. Asfalt riba su mes ta duna henter e scol un otro cara y a keda
demostra na otro scolnan cu asina cu inverti den infrastructura di scol, cu e alumnonan ta studia
miho tambe, cu hopi mas smaak.
Desde dialuna siman pasa, asina cu porta di scol a habri, por a nota e caranan contento di e
muchanan na e scol. Y e alegria no a keda solamente den e sonrisa riba nan cara, pero tambe a
expres’e cu e docentenan y cu e cabesante. Muchanan awendia ta hopi mas expresivo y no ta
sconde nan opinion, tanto ora nan ta contento como tambe ora nan ta rabia.
Por ehempel, na Colegio Ora Ubao e cultura di wega prome cu scol y durante e dos pauze nan ta