Page 3 - AM211027

Diaranson, 27 October 2021 AWEMainta.com 3
Editorial

Mark Oduber ta haya rason di Corte caminda integridad a ser lubida

Aruba tin un Gobierno cu ultimo 4 aña, tabata promove integridad den gobernacion
mescos cu ta trata di un cinema cu ta promove un bon pelicula, pero en realidad tin
cosnan cu ta pasa cu ta laga duda grandi si Gobierno realmente sa kico ta nificacion di e
palabra integridad.
Ayera Corte den Prome Instancia a tuma un decision den e caso cu e ciudadano Mark
Oduber, a inicia contra Gobierno pa evita cu e lo sigui como consehero di Gobierno y
p’asina habri caminda p’e regresa su puesto di Director di Servicio Meteorologico.

E caso di sr. Mark Oduber tabata conoci, ya cu gabinete Wever Croes I mester a move su
persona for di su posicion y a dicidi di nombra su persona como Consehero den servicio
di Conseho di Minister, caminda Rudy Lampe a dicidi di haci uso di su persona pa Pa: Victor
atende asuntonan di Unesco.
Sinembargo ta ex Minister Chris Romero t’esun cu a firma e decision pa schuif Mark (Toko) Winklaar
Oduber for di su posicion riba cierto presion cu a surgi for di e departamento aki.
Awor cu a yega e momento cu Gobierno tin cu dicidi di prolonga e rol di Mark como consehero, su persona a
dicidi di bay Corte pa busca su derecho y evita cu e lo por bolbe wordo poni un banda, ya cu realmente t’esey
gabinete Wever Croes a haci cu su persona y p’e no wordo obliga di sigui como Consehero pa Gobierno.

Ayera Corte den Prome Instancia a dicidi cu Mark Oduber tin rason ya cu a base di articulo 52 di LMA, e por fungi
solamente 3 aña y mey como consehero y e por pidi pa bay su departamento bek manera cu el a haci tambe y
dentro di e periodo stipula cu lo a termina dia prome di november.
Un di e prome mandatarionan pa reacciona tabata Miniser di Integridad Ursell Arends, kende for di siman pasa a
mustra cu e lo reuni cu sr. Oduber pa mira kico ta pasando y ayera a mustra cu lo tin cu bay mira kico lo bay pasa
ya cu mester tin un bon ambiente di trabou n’e departamento cu Mark Oduber ta dirigi.

Un reaccion cu ta confirma e hecho cu e propio Minister di Integridad no ta implemente reglanan di integridad
100% ya c’un maneho no por ta determina pa cierto porcentahe cu credibilidad ya cu por bisa cu “it’s all or
nothing.”
Un hende no por ta mita integro, un maneho no por hiba a base di integridad, mientras cu e decisionnan di e
maneho aki no ta cumpli cu exigencianan di un maneho integro.
E solo hecho c’un oficial publico, un persona bon studia den su ramo, considera internacionalmente un di e
mihornan cu tin den e regio aki, ta wordo manipula politicamente pa cumpli cu cierto capricho di otronan,
incluso ex Minister Romero di gabinete Wever Croes.
Mark Oduber no tin nada, pero nada di haci den e rol di consehero di Gobierno y su posicion ta di Director di
Servicio Meteorologico na Aeropuerto, algun cu el a specialisa su mes profundamente aden y e merece di tin e
puesto ey.
Ora ta papia di integridad, cosnan cu un Gobierno of hende ta haci, tambe mester tin tur indicacion cu ta cosnan
integro, pero no ora cu ta manipula di e forma aki c’un yiu di tera cu a dedica su mes na specialisa su mes den
su posicion cu e ta ocupa y ta mas cu claro cu e merece tur respet y reconocimento for di un Gobierno cu ta
considera su mes integro.
Awor ora cu scucha un Minister pa colmo di integridad papia cu mester percura si p’e ambiente na trabou ta bon
pa tur hende funciona aden, anto e tin cu actua contra di esnan cu no ta contento den e departamento, esnan cu
a percura p’e salida di Mark Oduber inicialmente.

Na momento cu ta permiti trahadornan di un departamento t’esnan cu ta dicidi ta kende ta dirigi na
departamento, anto, ta tur siman lo cambia e Ministernan pa un ehempel y loke e cos aki ta mustra ta cu lo bolbe
bay manipula cu e decision di Corte y trata di tene Mark Oduber mas hopi afo cu ta posibel of trata di yega na un
areglo di retiro. Cu pago di placa di pueblo, esta dune un golden handshake.
Sinembargo gabinete Wever Croes no tin placa pa paga cierto cosnan, corta pa paga un pakete di retiro cu lo ta
den miyones atrobe, pa colmo e mesun Gobierno cu ta kita placa di tur trahador publico, pero sin tin espacio
financiero pa hunga e tipo di weganan aki.

Mark Oduber tin cu bay bek como Director di Servicio Meteorologico ya cu e tin tur papel pa dirigi e
departamento aki manera semper el a haci y ta deber di Gobierno pa atende cu e personal cu no kier mira Mark
bek den e puesto aki, pa haya un traspaso of yega na un acuerto di retiro cual lo costa menos placa cu si bay over
na paga Mark Oduber pa e bandona su puesto.
Ta di spera tambe cu gabinete Wever Croes ta mustra madures y sinceridad den e caso di e Director di Meteo y
realmente mustra pueblo cu su maneho ta integro y no influencia pa forsanan ajeno y debil cu kier hopi pero
haciendo tiki.