Page 44 - Djaweps 23 november 2017.pdf

44 Djaweps 23 Novèmber 2017
Ki palabrashon tin pa traha hòspital nobo riba tereno di Sehos
Si no tin nada pretu riba blanku hurídikamente edifisio
trahá riba tereno di Sehos ta propiedat di Sehos
Si tin akuerdo mester informá pueblo di esaki
WILLEMSTAD. - Si ku ta hiba disputanan Sigui lesa pagina 49
no tin nada otro poné
pretu riba blanku,
hurídikamente por bisa ku
e edifisio trahá riba tereno
di Sehos ta propiedat
di Sehos, esaki Sr. Felix
Pinedo a duna di konosé
na redakshon di EXTRA.
P’esei Pinedo ta puntra,
ki palabrashon tabatin pa
traha e hòspital nobo riba
tereno di Sehos.
Pinedo un persona ku a
traha hopi aña pa Sehos i
a forma parti di diferente
komishon, a trese dilanti
ku generalmente den lei
ta stipulá ku si un bien
móbil bai forma parti
di un otro bien móbil ku
por ser konsiderá e bien
prinsipal, e bien aki ta bira
parti di e esun prinsipal.
Outomátikamente e ta bira
propiedat di e doño di e
bien móbil prinsipal.
Un ehèmpel mas simpel
ta ku si un hende kue òf
fia un baiskel di un otro
hende i e las un otro sia
(karu) riba dje (pa tanten),
hurídikamente e sia ta
bira parti di e baiskel
i konsekuentemente
propiedat di e doño di e
baiskel.
Otro ehèmpelnan di
hurisprudensia ta stipulá
ku terenonan i edifisionan
ku ta ankrá duraderamente
ku (òf riba) e tereno ta
vienes inmóbil (onroerend
goed).
Lei ta preskribí ku
edifisionan ku ta ankrá
permanentemente ku un
tereno ta propiedat di
doño di e tereno.
Tin hurisprudensia de
sobra riba e asuntunan ku
mi ta menshonando.
Esaki ta hustamente
e punto ku Pinedo ke
trese dilanti en kuanto
trahamentu di e hòspital
nobo riba tereno di Sehos.
Saliendo for di e
ehèmpelnan tres’é dilanti,
hurídikamente por bisa ku
e edifisio trahá riba tereno
di Sehos ta propiedat di
Sehos.
Esta si no tin nada otro
poné pretu riba blanku.
Naturalmente tin
hurisprudensianan
(verediktonan di korte i/òf
korte supremo (hoge raad))

di nos e ta