Page 12 - MIN ON_Neat

3 MINS
POST VIEWS: 2

ORANJESTAD, Aruba

Despues di basta trabou, awo t’asina leu cu renobacion riba e edificio historico St. Rosa College ta
yegando su fin. E edificionan ta cla y e ultimo trabou di basha asfalt riba e speelplaats tambe mester
keda cla prome cu fin di luna. Tanto maestro como studiantenan ta pura pa e dia yega cu e scol por
haci su reapertura. Esaki ta riba e prome dia di aña escolar nobo mey-mey di augustus.

St. Rosa College su renobacion a tuma hopi tempo, esaki no tabata solamente pa motibo di e dak di
asbest pero tambe pasobra ta trata di un scol historico y mester tene cuenta cu cierto reglanan. Awo e
t’asina leu cu e yabinan lo keda entrega fin di luna pa e docentenan cuminsa prepara pa ricibi e
studiantenan den luna di augustus.

Cabesante di e scol Lai Ping Carthy Chong, tabata presente na momento cu Prome Minister Mike
Eman y Minister di Infrastructura Benny Sevinger a presencia inicio di e ultimo parti di e trabou, cu
ta asfaltamento di e speelplaats cu un acabado fini. “Ultimo lunanan e maestronan tabata hopi
entusiasma pa nan bolbe nan scol y tabata preparando ultimo simannan pa cuminsa empaketa tur
material pa drenta den un ambiente cu nos muchanan merece y tambe den un tremendo forma,” e
directora a cuminsa pa splica.

Sra. Lai Ping a splica cu ora cu el a bira cabesante 11 aña pasa, el a tende cu a papia di renobacion
pero esaki no a tuma luga, cu excepcion di algun mantencion chikito. Pero despues nan a haya e
noticia cu “St. Rosa College lo haya su renobacion completo, manera un monumento merece.” Awor
cu Gobierno di Prome Minister Mike Eman a percura pa renobacion y duna un scol di calidad, esaki
ta nifica hopi pa educacion. “Un scol di calidad,” e cabesante a bisa, “ta haci cu muchanan ta bin scol
motiva pa siña, motiva pa bira un bon ciudadano den comunidad di Aruba. Mi ta kere cu St. Rosa
College tin e capacidad, tin e team pa duna nos muchanan e educacion cu nan merece.”

E scol nunca a wordo drecha di e forma aki, e cabesante a splica. Pesey e renobacion tabata hopi
necesario pa e scol cu tin mas di 150 aña di existencia, y mantencionnan chikito no tabata yuda mas.
Henter e proyecto a costa 4 miyon florin. Den e aña escolar nobo e scol lo tin alrededor di 150 mucha
cu 9 docente, un invalster, un begeleider y e cabesante pa yega na un total di 13 profesional.

Politica