Page 8 - HOSPITAAL
P. 8
Diaranzon atardi a tuma lugar e ceremonia di entrega di yabinan di un flota di 29 Suzuki
Alto na sr. Gino Goeloe, Director di Wit Gele Kruis Aruba.
Ceremonia di entrega a tuma lugar n’e showroom di Suzuki na Ultimate Automobiles,
situa na Sabana Blanco.
Presente durante e ceremonia tabata gerencia y personal di Wit Gele Kruis,
representantenan di Hertz Lease sr. Vincent Solognier y sr. Giovanni Kelly. Tambe a
conta cu presencia di team di benta y gerente di Suzuki, sr. Marcel Meenhorst.
Di parti di Fundacion Wit Gele Kruis tabata su Director Gino Goeloe y Tesorero di
Fundacion Wit Gele Kruis, Giantonio Muller.
Wit Gele Kruis Aruba asina ta subi caminda cu 29 Suzuki Alto 800 nobo, un auto cual
conceptonan principal ta seguridad y alabez hopi practico cu su interior comfortable.
Na mesun momento e Suzuki Alto 800 su motor di 0.8 liter ta super economico riba
gasolin, sin kita rendimento riba caminda.
Tur vehiculo a wordo personaliza cu sticker di Wit Gele Kruis cu ta haci’e facil pa
reconoce riba caminda.
Cu entrega di e flota grandi aki, Wit Gele Kruis Aruba, ta logra mantene mobilidad
continuo y ta garantisa di por ofrece servicio na tur su clientenan sin tin cu sufri di
interupcion.
Hertz Lease, ta ofrece servicio di re-emplaso di vehiculo inmediato y ta garantisa cu e
down time ta keda minimal, no ta importa con chikito of grandi e bo flota di auto ta.
Na momento di service of reparación di vehiculo, Hertz Lease ta garantisa vehiculo di re-
emplazo.
