Page 13 - AM200709
P. 13
Diahuebs, 9 Juli 2020 AWEMainta 13
Fundacion a celebra beatificacion
di dr. Jose Gregorio Hernandez
CU hopi alegria, nos di Fundacion Venerable Jose
Gregorio Hernandez situa na Tanki Leendert 128, a ricibi
e grato noticia cu Papa Francisco a aproba e milager
di e mucha Venezolano, Yaxury Solórzano Ortega cu
a sosode na luna di maart di 2017, p’asina declara e
dokter stima, Beato dr. Jose Gregorio Hernandez.
Nos tabatin un tridium na Santisima Trinidad dianan
26, 27 y 28 di juni ultimo pa gradicimento na nos Sitio
di Oracion.
Riba e ultimo dia di e tridium, nos a haci un alabanza
bou canto di Koor Santa Famia na nos Tata Celestial
cu ofrecemento di bela, cu a resulta di ta algo masha
bunita mes.
Y dia 29 di juni tabatin un Santo Sacrificio di Misa di
gradicimento cu canto spiritual di grupo ‘Dios ta Amor’,
caminda nos a recorda e di 101 aña di fayecimento di
nos beato stima.
A pesar di e tenemento di distancia social, e devotonan
a asisti cu hopi devocion.
Cu esaki nos ta desea di gradici tur persona cu di un
forma of otro a yuda nos haci e celebracion aki posibel.
