Page 16 - AM200709
P. 16
16 AWEMainta Diahuebs, 9 Juli 2020
Un persona hinca den lomba y
7 Persona deteni den pelea grandi na Sabana Basora
DIAMARS anochi diferente patruya mester a laga locual nan
tabata haciendo y bay direccion di Sabana Basora, unda un
pelea formal a surgi entre dos grupo.
Na yegada di varios unidad a wordo constata cu tin un persona
cu a ricibi un hinca na su lomba. Ambulance tabata na caminda
p’e sitio. Destruccion tambe a wordo cometi, dor di kibra
glasnan di un cas.
Un total di 7 persona a wordo deteni, 5 di un banda y 2 di e
contra partido. Parce cu e 5-nan a bay bringa contra e 2-nan cu
tambe a wordo deteni.
Recherche di San Nicolas a tambe a presenta p’asina cuminsa
nan investigacion.
Separadamente e gruponan a wordo transporta pa warda, unda
nan lo wordo presenta dilanti Sub Fiscal.
Dos accidente algun meter for di
otro na crusada di Palm Beach
DIARANSON mainta Polis a wordo
notifica di un accidente n’e crusada di
Palm Beach y cu lo tin hende herida.
Na yegada Polisnan a topa berdad cu
dos auto cu a accidenta.Tabata trata di
un Hyundai Accent y un Nissan Platina,
pero no tabattin hende herida.
Momento cu nan tabata para eynan
algun meter mas leu di nan ta sosode
un otro accidente, entre un Mitsubishi
Lancer y un auto Kia Rio.
Polisnan a bay mesora controla y
eynan si tabatin un persona cu mester
asistencia medico.
Falta di preferencia a hunga un rol den
ambos dalmento.
