Page 7 - bndia aruba
P. 7
regional Diaranson 25 october 2017
a7
Un capo di Bolivia deteni na Brasil a lanta un scandal
den gobierno di Evo Morales
BOLIVIA (InfoBae).- E detencion na Brasil
di Fabio Adhemar Andrade Lima Lobo, yiu di
un ex-miembro di cartel di Cali y di un muhe
, cu cocaina den su poder, a lanta un scandal
cu hopi acusacion y menasa entre politico,
y contra hues, cu supuestamente a bin di e
muhe Boliviano, mama di e suheto deteni y
di un diputado.
Carlos Romero, ministro a rechasa e acusacion di un supuesto
vinculo di gobierno Boliviano cu narcotrafico, pasobra Car-
men Iris, mama di Andrade Lima Lobo, a participa como
candidato pa sub-gobernador pa e partido Movimiento al So-
cialismo (MAS) na Beni, region situa na frontera cu Brasil.
Andrade Lima Lobo, Boliviano ta yiu di un miembro di cartel
di Cali, Celimo Andrade Quintero. El a keda deteni hunto cu
Carlos Andrés Añez Dorado, diadomingo pasa na Brasil, cu
480 kilo di cocaina.
Romero a bisa cu gobierno ta papia di e lucha contra droga
pasobra e ta un politica di estado y cu e relacion di Andrade
Lima Lobo, di 25 aña, cu hende di e partido den gobierno y di
oposicion no por ta un prueba, cu lo por relaciona gobierno
cu algun tipo di delito.
El a papia tambe di su rechaso di e acusacion cu a sali riba
Twitter di banda di ex-ministro di defensa Carlos Sanchez
Berzain, cu ta como un asilado na Merca, caminda e ta bisa cu
Morales ta un dictador y cu e regimen di Morales a converti
Bolivia den un estado narco y plurinacional.
“Señor Carlos Sanchez Berzaín ta huy pa husticia di Bolivia.
Pasobra ta acusa su persona di ordena e asesinato di mas di 60
ciudadano di ciudad El Alto, y awor e mes ta bisa cu Bolivia
tin un narco-estado,” Romero a splica.
El a bisa cu si gobierno di Morales lo tin un compromiso
minimo cu actividadnan di narcotrafico, cu seguridad e situa-
cion tabata bao investigacion y tabata un scandal caba, y cu
denuncia contra agencianan di seguridad Mericano DEA y
CIA, cu a ser expulsa pa ehecutivo di Bolivia na 2008.
Romero a bisa cu Andrade Lima Lobo tin relacion cu famia di
otro politico di Beni cu ta participa awor den partido di oposi-
cion y cu Carlos Andrés Añez Dorado ta sobrino di senador di
oposicion Jeanine Añez Chávez, di Unidad Demócrata (UD).
El a bisa cu e relacion aki no ta establece ningun responsabi-
lidad pa e actuacion di hende cu a keda deteni. El a ofrece
garantia y proteccion pa e diputado di oposicion Tomas Mon-
asterio, cu a revela e relacion di yiu y mama di Andrade Lima
lobo, cu e candidato gubernamental na Beni.
Durante aña aki, oposicion a cuestiona gobierno pa e caso
di un asesor cu ta trafica droga y cu a dirigi un grupo cu e
nomber di Che Guevara, y e caso di un muhe cu a keda de-
teni cu cocaina, y cu ta ruman di un diputado di banda guber-
namental.
