Page 40 - MIN VOS

AWEMainta Diabierna, 6 October 2017 25

Judoka Sophia Petrocchi a

logra prome medaya pa Aruba

den e Weganan Sur Americano

E delegacion di Aruba a apoya den forma patriotico
e final di Judo di e atleta Sophia Petrocchi contra
di Brazil den e Weganan Sur Americano Hubenil
Santiago 2017 cu ta tumando lugar na Chile.
Mesora ora a bira conoci cu Sophia lo bringa pa
medaya di Oro den e categoria 52kg, tur hende
tabata pendiente y no kier a perde e combate aki.

E atleta Petrocchi a inicia su combatenan na San-
tiago prome contra di Panama unda el a gana esaki
riba punto.
Despues Sophia a haya un bye pa despues enfrenta
e contrincante di cas, esta Chile. Mester bisa cu aki
e Chilena ta bay ariba, pero Sophia ta bin bon bek
y finalisa e combate cu un ippon cual ta e punto
ganador.
Asina Sophia ta pasa p’e gran final contra di e fuerte
contrincante di Brazil.

Den e final aki cu a bay ta Goldenpoint (esun score
prome ta gana) unda Sophia Petrochi y e Brasilera
no kier a entrega e pelea. Tog na ultimo e atleta di
Brasil ta anota cu un Wazari cu hopi a cuestiona
e momento ey mirando cu Sophia a mishi cu full
su man prome riba e mat y despues cu su curpa.
Pero e no a wordo honra y e punto di Oro a bay
p’e Brasilera caminda e ta gana su medaya di Oro
lagando Sophia cu e medaya di Plata.

Mas cu claro e delegacion completo a celebra e me-
daya di Plata di e atleta Arubano Sophia Petrocchi
na grandi.
Un berdadro hazaña mirando cu Sophia a laga
atras Chile, Venezuela y Ecuador su tras sin conta
lo demas cu tambe a competi den su categoria
Pabien Sophia, coach Fiderd Vis, Federacion di
Judo y Aruba completo cu e logro aki