Page 41 - MIN VOS

26 AWEMainta Diabierna, 6 October 2017

Keeley Maduro ta gana medaya di brons den 50m mariposa

den Weganan Sur Americano Hubenil Santiago 2017

TEAM Aruba ta logra su di dos medaya den
Weganan Sur Americano Hubenil Santiago
2017 na Chile cu e landadora Keeley Maduro
den 50m mariposa.
Tabata net landamento nan ultimo oportuni-
dad pa gana medaya mirando cu no tabatin
mas competencia.
Nos muchanan a drenta den 5 final, pero no
tabatin e suerte pa logra medaya pues Keeley
Maduro tabata e speransa pa Aruba y ta logra
tog pa gana un medaya pa deporte di landa-
mento. Mas cu claro henter e delegacion a
aplaudi esaki engrande.

Mester bisa cu e landadornan Daniel Jacobs y
Keeley Maduro mester a landa nan disciplina
faborito, esta 400m free y 50m fly. Daniel
Jacobs a inicia su recorido riba 400m free na
caryl 7 unda e ta termina cu un tempo registra
di 4.09.96, mientras esaki tabata bon pa un di
7 lugar. Mester bisa si cu Daniel tin un personal
best di 4.01.85. E compentencia a wordo gana
pa Colombia.

Despues a bin Keeley Maduro riba 50 fly, aki
Keeley tabatin un tremendo start y ta forza bon
den e ultimo meternan di e competencia unda
e ta bin registra un tremendo tempo di 28.72
hunto cu e landador di Brazil y aki Keeley ta
logra medaya di brons pa Aruba.

Pabien Keeley Maduro, coach Ismael, Fed-
eracion di Landamento y mas cu claro mayor,
famia y conocirnan di Keeley y Aruba completo.